దిన ఫలాలు (జూలై 16, 2025): మేష రాశికి చెందిన నిరుద్యోగులకు విదేశీ ఆఫర్లు అందే అవకాశముంది. వృషభ రాశి వారికి ఆదాయం బాగానే వృద్ధి చెందే అవకాశముంది. మిథున రాశి వారికి అనుకున్న పనులు అనుకున్నట్టు పూర్తవుతాయి. మేష రాశి మొదలు మీన రాశి వరకు 12 రాశుల వారికి బుధవారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
రోజంతా చీకూచింతా లేకుండా గడిచిపోతుంది. సాధారణంగా ఏ ప్రయత్నం తలపెట్టినా తప్ప కుండా సఫలమవుతుంది. గృహ, వాహన ప్రయత్నాల మీద దృష్టి పెట్టడం జరుగుతుంది. ఆదాయానికి, ఆరోగ్యానికి లోటు ఉండదు. కెరీర్ లో ఆశించిన పురోగతి ఉంటుంది. మిత్రుల వల్ల అనవసర ఖర్చులు బాగా పెరిగే అవకాశం ఉంది. నిరుద్యోగులకు విదేశీ ఆఫర్లు కూడా అందుతాయి. వృత్తి, ఉద్యోగాల్లో అధికారుల నుంచి ఆదరణ పెరుగుతుంది. ఎదురు చూస్తున్న శుభవార్తలు వింటారు.
వృషభం (కృత్తిక 2,3,4, రోహిణి, మృగశిర 1,2)
ఆదాయం బాగానే వృద్ధి చెందుతుంది. ఆర్థిక పరిస్థితి సంతృప్తికరంగా ఉంటుంది. ఆరోగ్యం విషయంలో ఎంత జాగ్రత్తగా ఉంటే అంత మంచిది. బంధుమిత్రుల వల్ల కొద్దిగా డబ్బు నష్టం జరిగే అవకాశం ఉంది. ఎటువంటి ప్రయత్నం తలపెట్టినా కలిసి వస్తుంది. వృత్తి, ఉద్యోగాల్లో శుభవార్తలు వింటారు. ఉద్యోగ స్థిరత్వం లభిస్తుంది. పని భారం పెరుగుతుంది. వ్యాపారాలు కొద్దిగా బలం పుంజుకుంటాయి. నిరుద్యోగులకు ఇది బాగా కలిసి వచ్చే కాలం. ప్రేమ వ్యవహారాలు రొటీనుగా సాగిపోతాయి.
మిథునం (మృగశిర 3,4, ఆర్ద్ర, పునర్వసు 1,2,3)
రోజంతా సాఫీగా, హ్యాపీగా సాగిపోతుంది. అనుకున్న పనులు అనుకున్నట్టు పూర్తవుతాయి. ఆదాయం బాగా వృద్ధి పెరుగుతుంది. ఆర్థిక పరిస్థితి అనుకూలంగా ఉంటుంది. ప్రముఖులతో పరిచయాలు ఏర్పడతాయి. ఆరోగ్యం కుదుటపడుతుంది. కుటుంబంలో శుభ పరిణామాలు చోటు చేసుకుంటాయి. నిరుద్యోగులకు మంచి ఆఫర్లు అందుతాయి. ఆకస్మిక ధన ప్రాప్తి కలుగుతుంది. వృత్తి, ఉద్యోగ, వ్యాపారాలు నిలకడగా సాగిపోతాయి. ప్రేమ వ్యవహారాలు కొత్త పుంతలు తొక్కుతాయి.
కర్కాటకం (పునర్వసు 4, పుష్యమి, ఆశ్లేష)
అనేక మార్గాల్లో ఆదాయం పెరుగుతుంది. ఆర్థికంగా ఆశించిన పురోగతి ఉంటుంది. ఆర్థిక సమస్యలు తగ్గుముఖం పడతాయి. ఉద్యోగంలో ప్రాధాన్యం పెరుగుతుంది. సమర్థతకు మంచి గుర్తింపు లభిస్తుంది. అధికారులు ఎక్కువగా ఆధారపడతారు. ప్రముఖులతో సన్నిహిత సంబంధాలు ఏర్పడతాయి. వృత్తి, వ్యాపారాలు సానుకూలంగా సాగిపోతాయి. కుటుంబ సమస్యలు బాగా తగ్గుతాయి. ప్రేమ వ్యవహారాల్లో సఖ్యత, సాన్నిహిత్యం పెరుగుతాయి. పిల్లల నుంచి శుభవార్తలు వింటారు.
సింహం (మఖ, పుబ్బ, ఉత్తర 1)
ఇంటా బయటా అనుకూలతలు పెరుగుతాయి. ఆర్థికంగా బాగా కలిసి వస్తుంది. శత్రువులు కూడా మిత్రులుగా మారి సహాయపడతారు. ముఖ్యమైన ఆర్థిక సమస్యల నుంచి బయటపడతారు. ఏ సమస్య అయినా కొద్ది ప్రయత్నంతో పరిష్కారం అవుతుంది. వృత్తి, ఉద్యోగాల్లో బరువు బాధ్యతలు పెరిగే అవకాశం ఉంది. కుటుంబ జీవితంలో సామరస్యం నెలకొంటుంది. ఆర్థిక పరిస్థితి ఆశాజనకంగా ఉంటుంది. వ్యాపారాల్లో లాభాలు పెరుగుతాయి. ప్రేమ వ్యవహారాల్లో అపార్థాలు తలెత్తుతాయి.
కన్య (ఉత్తర 2,3,4, హస్త, చిత్త 1,2)
రోజంతా ఆర్థికంగా బాగా గడిచిపోతుంది. ఆకస్మిక ధన లాభానికి కూడా అవకాశం ఉంది. ఆర్థిక వ్యవహారాలన్నీ కలిసి వస్తాయి. ఆర్థిక సమస్యలు తగ్గిపోతాయి. వృత్తి, ఉద్యోగాలలో ఒక మెట్టు పైకెక్కే అవకాశం ఉంది. సమర్థతకు, పనితీరుకు మంచి గుర్తింపు లభిస్తుంది. వ్యాపారాల్లో కొద్దిపాటి లాభాలు పొందుతారు. స్వల్ప అనారోగ్యానికి అవకాశం ఉంది. కొందరు మిత్రుల వల్ల కొద్దిగా ఆర్థికంగా నష్టపోయే అవకాశం ఉంది. ప్రేమ వ్యవహారాలు సాఫీగా, సంతృప్తికరంగా సాగిపోతాయి.
తుల (చిత్త 3,4, స్వాతి, విశాఖ 1,2,3)
వృత్తి, ఉద్యోగాల్లో హోదా పెరిగే అవకాశం ఉంది. అధికారులకు మీ సలహాలు, సూచనలు బాగా ఉపయోగపడతాయి. ఆదాయం వృద్ధి చెందుతుంది. ఇతరులకు సహాయం చేయడం జరుగుతుంది. వ్యాపారాల్లో భాగస్వాములతో సమస్యలుండే అవకాశం ఉంది. ఆరోగ్యం బాగానే ఉంటుంది. ఏ ప్రయత్నం తలపెట్టినా తప్పకుండా విజయం లభిస్తుంది. రాజకీయ ప్రముఖులతో పరిచయాలు వృద్ధి చెందుతాయి. ప్రేమ వ్యవహారాలు ఉత్సాహంగా సాగిపోతాయి. పిల్లలు బాగా వృద్ధిలోకి వస్తారు.
వృశ్చికం (విశాఖ 4, అనూరాధ, జ్యేష్ట)
ఆర్థిక వ్యవహారాలు సాఫీగా సాగిపోతాయి. ఆదాయం బాగానే ఉంటుంది. ఉద్యోగంలో స్థిరత్వం లభిస్తుంది. ప్రాధాన్యం, ప్రాభవం పెరుగుతాయి. నిరుద్యోగులకు మంచి ఉద్యోగం లభించే అవకాశం ఉంది. వ్యాపారాలు అనుకూలంగా సాగిపోతాయి. వృత్తి జీవితంలో తీరిక ఉండని పరిస్థితి ఏర్పడు తుంది. పెళ్లి, ఉద్యోగ ప్రయత్నాల్లో ఒకటి రెండు శుభవార్తలు వింటారు. ముఖ్యమైన వ్యవహారాల్లో వ్యయ ప్రయాసలుంటాయి. స్వల్ప అనారోగ్యాలకు అవకాశం ఉంది. ప్రేమ వ్యవహారాల్లో దూసుకుపోతారు.
ధనుస్సు (మూల, పూర్వాషాఢ, ఉత్తరాషాఢ 1)
ఎదురు చూస్తున్న శుభవార్తలు వింటారు. కుటుంబంలో శుభ పరిణామాలు చోటు చేసుకుంటాయి. ఆర్థిక సంబంధమైన కష్టనష్టాల నుంచి చాలావరకు బయటపడతారు. ఉద్యోగంలో ఊహించని పురోగతి ఉంటుంది. ఆదరాభిమానాలు, ప్రోత్సాహాలు లభిస్తాయి. ప్రముఖులతో పరిచయాలు పెరుగుతాయి. పిల్లలు వృద్ధిలోకి వస్తారు. ఆరోగ్యానికి లోటుండదు. ఆదాయ వృద్ధి ఉంటుంది. వృథా ఖర్చులు బాగా వృద్ధి చెందుతాయి. ప్రేమ వ్యవహారాలు ఉత్సాహంగా, ఉల్లాసంగా సాగిపోతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
వృత్తి, ఉద్యోగాల్లో పని ఒత్తిడి కాస్తంత ఎక్కువగానే ఉంటుంది. వ్యాపారాల్లో అనుకున్న లక్ష్యాలను సాధిస్తారు. ఆర్థిక, ఆస్తి వ్యవహారాల్లో ఆచితూచి వ్యవహరించాల్సి ఉంటుంది. ఆర్థిక సమస్యలు కొద్దిగా తగ్గుతాయి. ఆరోగ్యం బాగానే ఉంటుంది. పిత్రార్జితం లభించే అవకాశం ఉంది. గృహ, వాహన ప్రయత్నాలు అనుకూలంగా సాగిపోతాయి. దాంపత్య జీవితంలో అన్యోన్యత పెరుగుతుంది. ప్రేమ వ్యవహారాలు సాదాసీదాగా సాగిపోతాయి. ధనపరంగా ఎవరికీ వాగ్దానాలు చేయకపోవడం మంచిది.
కుంభం (ధనిష్ట 3,4, శతభిషం, పూర్వాభాద్ర 1,2,3)
అనుకున్న పనులు అనుకున్నట్టు పూర్తవుతాయి. ఆర్థిక పరిస్థితి గతంలో ఎన్నడూ లేనంతగా బాగుంటుంది. అంచనాలకు మించి ఆదాయం పెరుగుతుంది. ఉద్యోగంలో స్థిరత్వం లభిస్తుంది. కుటుంబ జీవితం, దాంపత్య జీవితం సాఫీగా సాగిపోతాయి. దైవ కార్యాల్లో పాల్గొనడం జరుగుతుంది. ఆర్థికాభివృద్ధికి అవకాశం ఉంది కానీ, ఖర్చులు బాగా పెరుగుతాయి. ఇంటా బయటా ఒత్తిడి ఎక్కువగా ఉంటుంది. ప్రేమ వ్యవహారాల్లో సంతృప్తికరంగా సాగిపోతాయి. పిల్లలు వృద్ధిలోకి వస్తారు.
మీనం (పూర్వాభాద్ర 4, ఉత్తరాభాద్ర, రేవతి)
వృత్తి, ఉద్యోగాల్లో సంపాదన బాగా పెరుగుతుంది. ఆదాయానికి, ఆరోగ్యానికి లోటుండదు. వృథా ఖర్చుల్ని బాగా తగ్గించుకుంటారు. వృత్తి ఉద్యోగాల్లో ప్రాధాన్యం, ప్రాభవం పెరుగుతాయి. వ్యాపారాల్లో డిమాండ్ పెరుగుతుంది. దైవ కార్యాల మీద ఎక్కువగా ఖర్చు చేయడం జరుగుతుంది. ముఖ్యమైన వ్యవహారాల్లో కార్యసిద్ధి, వ్యవహార జయం కలుగుతాయి. జీవిత భాగస్వామితో కలిసి విలువైన వస్తువులు, వస్త్రాభరణాలు కొనుగోలు చేస్తారు. ప్రేమ వ్యవహారాలు సాఫీగా సాగిపోతాయి.
