Horoscope Today: ఉద్యోగ, పెళ్లి ప్రయత్నాల్లో వారికి శుభవార్తలు.. 12 రాశుల వారికి రాశిఫలాలు

దిన ఫలాలు (జూలై 17, 2025): మేష రాశి వారు ఉద్యోగ, పెళ్లి ప్రయత్నాల్లో తప్పకుండా ఆశించిన శుభవార్తలు వినే అవకాశముంది.  వృషభ రాశి వారికి ఉద్యోగంలో జీతభత్యాలు పెరిగే అవకాశం ఉంది. మిథున రాశి వారికి ఆర్థిక పరిస్థితి సంతృప్తికరంగా ఉండే అవకాశముంది. మేష రాశి మొదలు మీన రాశి వరకు 12 రాశుల వారికి గురువారంనాటి రాశిఫలాలు ఎలా ఉన్నాయంటే..?

మేషం (అశ్విని, భరణి, కృత్తిక 1)

వృత్తి, ఉద్యోగాల్లో అధికారులు మీ సమర్థతను గుర్తించి ప్రోత్సహిస్తారు. వ్యాపారాలు లాభాల పరంగా పురోగమిస్తాయి. ముఖ్యమైన వ్యవహారాల్లో కార్యసిద్ధి కలుగుతుంది. ఆర్థిక పరిస్థితి బాగా మెరుగ్గా ఉంటుంది. ఇష్టమైన బంధుమిత్రులతో సరదాగా కాలక్షేపం చేస్తారు. దాంపత్య జీవితంలో అన్యోన్యత పెరుగుతుంది. ఆరోగ్యం పరవాలేదనిపిస్తుంది. ఉద్యోగ, పెళ్లి ప్రయత్నాల్లో తప్పకుండా ఆశించిన శుభవార్తలు వింటారు. ఆదాయం బాగా వృద్ధి చెందుతుంది కానీ ఖర్చులు పెరుగుతాయి.

వృషభం (కృత్తిక 2,3,4, రోహిణి, మృగశిర 1,2)

ఉద్యోగంలో జీతభత్యాలు పెరిగే అవకాశం ఉంది. వృత్తి జీవితంలో డిమాండ్ పెరుగుతుంది. వ్యాపారాలు లాభదాయకంగా సాగిపోతాయి. ఆదాయానికి, ఆరోగ్యానికి లోటుండకపోవచ్చు. రావలసిన డబ్బు తప్ప కుండా చేతికి అందుతుంది. ముఖ్యమైన పనులు, వ్యవహారాలు సంతృప్తికరంగా పూర్తవుతాయి. ఆర్థిక, ఆస్తి వ్యవహారాలు సానుకూలంగా ఉంటాయి. పెళ్లి ప్రయత్నాల్లో బంధు వుల నుంచి శుభ వార్తలు అందుతాయి. నిరుద్యోగులకు ఉద్యోగ యోగం పట్టే అవకాశం ఉంది.

మిథునం (మృగశిర 3,4, ఆర్ద్ర, పునర్వసు 1,2,3)

వృత్తి, ఉద్యోగాల్లో కొద్దిగా శ్రమాధిక్యత ఉన్నా ఫలితం ఉంటుంది. మీ సలహాలు, సూచనల వల్ల అధికారులు లబ్ధి పొందుతారు. వ్యాపారాలు ఆశాజనకంగా సాగిపోతాయి. ఇంటా బయటా అనుకూలతలు పెరుగుతాయి. ముఖ్యమైన వ్యవహారాల్ని పట్టుదలగా పూర్తి చేస్తారు. కుటుంబ జీవితం హ్యాపీగా సాగిపోతుంది. ఉద్యోగ ప్రయత్నాల్లో సానుకూల స్పందన ఉంటుంది. పెళ్లి ప్రయత్నాల్లో ఆశాభంగాలు కలుగుతాయి. ఆర్థిక పరిస్థితి సంతృప్తికరంగా ఉంటుంది. ఎవరినీ గుడ్డిగా నమ్మ వద్దు.

కర్కాటకం (పునర్వసు 4, పుష్యమి, ఆశ్లేష)

ఉద్యోగంలో హోదాలు, జీతభత్యాలు పెరగడానికి అవకాశం ఉంది. వృత్తి జీవితం బాగా బిజీగా సాగిపోతుంది. వ్యాపారాల్లో యాక్టివిటీ పెరుగుతుంది. ఆదాయం కొద్దిగా వృద్ధి చెందుతుంది. కుటుంబ సభ్యుల మీద ఖర్చులు పెరుగుతాయి. ఇంటా బయటా మాటకు విలువ ఉంటుంది. ఆర్థిక పరిస్థితి చాలావరకు మెరుగ్గా ఉంటుంది. ప్రముఖులతో సన్నిహిత సంబంధాలు ఏర్పడతాయి. నిరుద్యోగులకు కొత్త ఉద్యోగావకాశాలు అంది వస్తాయి. బంధువర్గంలో మంచి పెళ్లి సంబంధం కుదురుతుంది.

సింహం (మఖ, పుబ్బ, ఉత్తర 1)

వృత్తి, ఉద్యోగాల్లో పని భారం బాగా పెరుగుతుంది. అధికారులు అదనపు బాధ్యతలు అప్పగించే అవకాశం ఉంది. వ్యాపారాల్లో అనుకూల పరిస్థితులు నెలకొంటాయి. వృత్తుల్లో రాబడి వృద్ధి చెందుతుంది. ముఖ్యమైన పనులు, వ్యవహారాల్లో వ్యయ ప్రయాసలు తప్పకపోవచ్చు. నిరుద్యోగులకు ఉన్న ఊర్లోనే ఉద్యోగం లభించే అవకాశం ఉంది. కుటుంబ జీవితం మెరుగ్గా ఉంటుంది. సొంత పనుల మీద శ్రద్ధ పెట్టడం మంచిది. స్వల్ప అనారోగ్య సూచనలున్నాయి. ఆదాయానికి లోటుండదు.

కన్య (ఉత్తర 2,3,4, హస్త, చిత్త 1,2)

ఉద్యోగ జీవితం సాఫీగా సాగిపోతుంది. వృత్తి, వ్యాపారాల్లో అనుకూల వాతావరణం ఉంటుంది. అదనపు ఆదాయానికి లోటుండదు. ఎటువంటి ప్రయత్నం తలపెట్టినా విజయవంతం అవుతుంది. అనుకోకుండా ఒకటి రెండు వ్యక్తిగత సమస్యలు పరిష్కారం అవుతాయి. గృహ, వాహన ప్రయత్నాలు ఒక కొలిక్కి వస్తాయి. ప్రముఖులతో పరిచయాలు పెరుగుతాయి. ఇరుగు పొరుగువారితో కొద్దిగా విభేదాలకు అవకాశం ఉంది. వృత్తి, వ్యాపారాల్లో కీలక నిర్ణయాలు తీసుకుని లబ్ధి పొందు తారు.

తుల (చిత్త 3,4, స్వాతి, విశాఖ 1,2,3)

ఉద్యోగంలో అధికారులు ఎంతో నమ్మకంతో ప్రత్యేక బాధ్యతలు అప్పగిస్తారు. వృత్తి, వ్యాపారాల్లో రాబడి బాగా పెరిగే అవకాశం ఉంది. అనేక మార్గాల్లో ఆదాయం వృద్ధి చెందుతుంది. ఆర్థిక పరిస్థితికి ఢోకా ఉండదు. వృథా ఖర్చులు తగ్గించుకోవడం మంచిది. ఆరోగ్యం బాగానే ఉంటుంది. ముఖ్యమైన పనుల్లో తిప్పట, శ్రమ ఎక్కువగా ఉంటాయి. నిరుద్యోగులకు ఒకటి రెండు ఆఫర్లు అందుతాయి. పరిచయస్థుల్లో మంచి పెళ్లి సంబంధం కుదురుతుంది. మిత్రులతో మాట పట్టింపులుంటాయి.

వృశ్చికం (విశాఖ 4, అనూరాధ, జ్యేష్ట)

ఉద్యోగ జీవితం సానుకూలంగా, సంతృప్తికరంగా సాగిపోతుంది. వృత్తి, వ్యాపారాల్లో శ్రమాధిక్యత ఉన్నా తగిన ప్రతిఫలం ఉంటుంది. రాదనుకున్న డబ్బు చేతికి అందుతుంది. మొండి బాకీలు వసూలవుతాయి. అదనపు ఆదాయ ప్రయత్నాలు సఫలమవుతాయి. ముఖ్యమైన వ్యవహారాలు కొద్ది శ్రమతో పూర్తవుతాయి. ఒకరిద్దరు మిత్రులతో అపార్థాలు తలెత్తే అవకాశం ఉంది. ఆహార, విహారాల్లో జాగ్రత్తగా ఉండడం మంచిది. ఇతరులకు ఆర్థికంగా సహాయం చేసే పరిస్థితిలో ఉంటారు.

ధనుస్సు (మూల, పూర్వాషాఢ, ఉత్తరాషాఢ 1)

వృత్తి, ఉద్యోగాలు బాగా ఉత్సాహంగా సాగిపోతాయి. వ్యాపారాల్లో లాభాలు నిలకడగా ఉంటాయి. ఆదాయ వృద్ధికి సమయం బాగా అనుకూలంగా ఉంది. ఏ ఆదాయ ప్రయత్నం తలపెట్టినా సఫలం అవుతుంది. ప్రముఖులతో పరిచయాలు పెరుగుతాయి. కుటుంబ జీవితం హ్యాపీగా సాగిపోతుంది. ఉద్యోగ, పెళ్లి ప్రయత్నాల్లో సానుకూల స్పందన లభిస్తుంది. స్వల్ప అనారోగ్య సూచనలున్నాయి. విదేశాల్లో ఉన్న పిల్లల నుంచి ఆశించిన శుభవార్తలు అందుతాయి. ఎవరినీ గుడ్డిగా నమ్మవద్దు.

మకరం (ఉత్తరాషాఢ 2,3,4, శ్రవణం, ధనిష్ట 1,2)

ఉద్యోగంలో అధికారులు మీ పనితీరుతో సంతృప్తి చెందుతారు. అదనపు బాధ్యతలు అప్పగించే అవకాశం ఉంది. వృత్తి, వ్యాపారాల్లో కొద్దిగా డిమాండ్ పెరుగుతుంది. ఇంటా బయటా ఆశించిన గుర్తింపు లభిస్తుంది. ఆర్థిక వ్యవహారాలు సంతృప్తికరంగా సాగిపోతాయి. అనుకున్న పనులు అనుకున్నట్టు పూర్తవుతాయి. అనారోగ్యం నుంచి కొద్దిగా బయటపడతారు. ఆర్థిక, ఆస్తి వ్యవహారాల్లో సకాలంలో సరైన నిర్ణయాలు తీసుకుంటారు. ఉద్యోగ, పెళ్లి ప్రయత్నాల్లో శుభవార్తలు అందుతాయి.

కుంభం (ధనిష్ట 3,4, శతభిషం, పూర్వాభాద్ర 1,2,3)

వృత్తి, ఉద్యోగాల్లో పని భారం కాస్తంత ఎక్కువగా ఉంటుంది. అధికారుల నుంచి బాగా ఒత్తిడి ఉంటుంది. వ్యాపారాల్లో కార్యకలాపాలు వృద్ధి చెందుతాయి. ఆదాయానికి, ఆరోగ్యానికి లోటుండదు. ముఖ్యమైన అవసరాలు తీరడంతో పాటు ఒకటి రెండు ఆర్థిక సమస్యలు పరిష్కారం అవుతాయి. ఇంటా బయటా బాధ్యతలు పెరుగుతాయి. చేపట్టిన వ్యవహారాలు సకాలంలో, సంతృప్తికరంగా పూర్తవుతాయి. ఆరోగ్యం బాగానే ఉంటుంది. ఉద్యోగ, పెళ్లి ప్రయత్నాల్లో శుభవార్తలు వింటారు.

మీనం (పూర్వాభాద్ర 4, ఉత్తరాభాద్ర, రేవతి)

వృత్తి, ఉద్యోగాల్లో మీ సమర్థత మీద అధికారులకు నమ్మకం పెరుగుతుంది. వ్యాపారాలు లాభసాటిగా సాగిపోతాయి. స్వల్ప అనారోగ్యానికి అవకాశం ఉంది. ఆదాయం ఆశించిన స్థాయిలో పెరిగే అవకాశం ఉంది కానీ, కుటుంబ ఖర్చులు పెరుగుతాయి. పిల్లల చదువుల్లో విజయాలు సాధిస్తారు. కొన్ని ముఖ్య మైన వ్యవహారాలను సులువుగా పూర్తి చేస్తారు. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది. బంధువుల్లో మంచి పెళ్లి సంబంధం కుదురుతుంది.