ఐపీఎల్ 2025లో పంజాబ్ కింగ్స్ వరుసగా రెండో విజయాన్ని సాధించింది. మంగళవారం జరిగిన మ్యాచ్‌లో లక్నో సూపర్ జెయింట్స్‌ను 8 వికెట్ల తేడాతో పంజాబ్ కింగ్స్ ఓడించింది. లక్నోలోని ఎకానా స్టేడియంలో జరిగిన ఈ మ్యాచ్‌లో పంజాబ్ 172 పరుగుల లక్ష్యాన్ని కేవలం 16.2 ఓవర్లలో 2 వికెట్లు కోల్పోయి చేరుకుంది. శ్రేయాస్ అయ్యర్ 52 పరుగులతో, నేహాల్ వధేరా 43 పరుగులతో నాటౌట్‌గా నిలిచారు. ప్రభ్‌సిమ్రాన్ సింగ్ 34 బంతుల్లో 69 పరుగులు చేశాడు. లక్నో బౌలర్ దిగ్వేష్ రతి 2 వికెట్లు పడగొట్టాడు.
లక్నో జట్టు నుంచి నికోలస్ పూరన్ 44 పరుగులు, ఆయుష్ బడోని 41 పరుగులు చేశారు. ఐడెన్ మార్క్రమ్ 28 పరుగులు, అబ్దుల్ సమద్ 27 పరుగులు చేశారు. అర్ష్‌దీప్ సింగ్ 3 వికెట్లు పడగొట్టాడు. లాకీ ఫెర్గూసన్, గ్లెన్ మాక్స్‌వెల్, మార్కో జాన్సెన్, యుజ్వేంద్ర చాహల్ తలా ఒక వికెట్ పడగొట్టారు.
మరిన్ని క్రీడా వార్తల కోసం ఇక్కడ క్లిక్ చేయండి..
