పొద్దుతిరుగుడు విత్తనాలలో విటమిన్లు B6, E, మెగ్నీషియం, రాగి వంటి అనేక పోషకాలు ఉంటాయి. పొద్దుతిరుగుడు విత్తనాలలోని విటమిన్లు E , C గుండె జబ్బుల నుండి రక్షించడంలో సహాయపడతాయి. విటమిన్ E శక్తివంతమైన యాంటీ ఆక్సిడెంట్ గా పనిచేసి గుండె వ్యాధులను నిరోధిస్తుంది.
పొద్దుతిరుగుడు విత్తనాలలో మోనో, పాలీఅన్‌శాచురేటెడ్ కొవ్వులు ఉంటాయి. ఇవి శరీరంలోని చెడు కొలెస్ట్రాల్‌ను నియంత్రించడంలో ప్రభావవంతంగా ఉంటాయి. పొద్దుతిరుగుడు విత్తనాలలో మెగ్నీషియం కూడా ఉంటుంది. ఇది ఎముకలను బలపరుస్తుంది.
పొద్దుతిరుగుడు విత్తనాలు ఒత్తిడి, మైగ్రేన్లు వంటి సమస్యల నుండి ఉపశమనాన్ని అందిస్తాయి. ఇది మెదడును ప్రశాంతపరచడంలో ప్రభావవంతంగా ఉంటుంది. ఇవి రక్తపోటును సక్రమంగా ఉంచడంలో కీలక పాత్ర పోషిస్తాయి. అధిక రక్తపోటు ఉన్నవారు పొద్దుతిరుగుడు విత్తనాలను క్రమంగా తీసుకోవడం వలన రక్తపోటు స్థాయులు క్రమబద్ధీకరించవచ్చు.
పొద్దుతిరుగుడు విత్తనాలలో యాంటీఆక్సిడెంట్లు, విటమిన్ ఇ, సెలీనియం, రాగి ఉంటాయి. ఇవి క్యాన్సర్‌ను నివారించడంలో ప్రభావవంతంగా ఉంటాయని చెబుతారు. పొద్దుతిరుగుడు విత్తనాల్లో విటమిన్ E పుష్కలంగా ఉంటుంది. ఇది చర్మానికి సహజ మెరుపును ఇస్తుంది. చర్మాన్ని హానికరమైన UV కిరణాల నుండి రక్షిస్తుంది.
పొద్దుతిరుగుడు విత్తనాల్లో యాంటీ ఆక్సిడెంట్ గుణాలు సమృద్దిగా ఉంటాయి. వీటిలో సెలీనియం, విటమిన్ E వంటి శక్తివంతమైన యాంటీ ఆక్సిడెంట్లు శరీరంలోని ఫ్రీ రాడికల్స్ వల్ల జరిగే కణ నాశనాన్ని నిరోధిస్తాయి. ఫ్రీ రాడికల్స్ అనేవి క్యాన్సర్ వంటి తీవ్రమైన వ్యాధులకు కారణమవుతాయి. కాబట్టి పొద్దుతిరుగుడు విత్తనాలు క్యాన్సర్ వంటి వ్యాధులను నిరోధించడంలో సహాయపడతాయి.
