పగ, ప్రతీకారాలు తీర్చుకోవడానికి, కత్తి పట్టి పీకలు కోయడానికి రెడీ అవుతోంది ఘాటి. అనుష్క కథానాయికగా నటించిన ఈ సినిమా జులై 11న ప్రేక్షకుల ముందుకు రానుంది. క్రిష్‌ దర్శకత్వం వహించిన ఈ సినిమా మీద గట్టి హోప్స్ ఉన్నాయి ట్రేడ్‌ ఇండస్ట్రీలో.
ఫుల్‌ ఫామ్ లో ఉన్న రష్మిక మందన్న ఈ ఏడాది ది గర్ల్ ఫ్రెండ్‌తో మరోసారి ప్రేక్షకులను పలకరించనున్నారు. లేడీ ఓరియంటెడ్ సినిమాగా ఇప్పటికే క్రేజ్‌ తెచ్చుకుందీ సినిమా.
రిలేషన్‌షిప్‌లో కాన్‌ఫ్లిక్ట్ చూసిన అమ్మాయిగా ఈ మూవీలో రష్మిక నటించారు. ఆమె కెరీర్‌లో ఫస్ట్ ఉమన్‌ సెంట్రిక్‌ సినిమాగా ది గర్ల్ ఫ్‌రెండ్‌ ప్రత్యేకత సంతరించుకుంది.
జానకీ వర్సెస్‌ ది స్టేట్‌ ఆఫ్‌ కేరళలో నటిస్తున్న అనుపమ పరమేశ్వరన్‌ తెలుగులో నటిస్తున్న సినిమా పరదా. మూఢ నమ్మకాలు, మహిళా సాధికారత వంటి అంశాలతో తెరకెక్కుతోంది పరదా. ఔట్‌పుట్‌ బావుందనే టాక్‌ ఆల్రెడీ ఇండస్ట్రీలో స్ప్రెడ్‌ అవుతోంది.
ప్రస్తుతం ప్రెగ్నెన్సీ లీవ్‌లో ఉన్న లావణ్యా త్రిపాఠి నటించిన సినిమా సతీ లీలావతి. కుటుంబ బంధాలను నిలపడానికి ఓ వివాహిత ఏం చేసిందనే అంశంతో ఈ మూవీ తెరకెక్కింది. భార్యాభర్తల అనుబంధాన్ని ఎలివేట్‌ చేసినట్టు తెలిపారు మేకర్స్.
