రాగి గ్లాసులో నీళ్లు ఓకే.. రాగిపాత్రలో పాలు తాగితే ఏమవుతుందో తెలుసా..? తప్పక తెలుసుకోండి

పాలు ఆరోగ్యానికి చాలా మంచిది. అయితే, ఎప్పుడు తాగాలి. ఎంత తాగాలనే విషయాల గురించి చాలా మందిచెబుతూనే ఉంటారు. ఈ నేపథ్యంలోనే ఏ గ్లాసులో తాగాలనేది కూడా అతి ముఖ్యమే అంటున్నారు ఆరోగ్య నిపుణులు. రాగి గ్లాసులో నీళ్లు తాగితే ఆరోగ్య ప్రయోజనాలు ఉన్నాయి. కానీ, పాలు తాగితే ఏమతుందో తెలుసా..? రాగి పాత్రలో ఏవైనా ద్రవాలు నిల్వ చేసి తాగితే మంచిదే. ముఖ్యంగా నీరు తాగడం చాలా మంచిదని ఆయుర్వేద ఆరోగ్య నిపుణులు, పెద్దలు తరచూ చెబుతూనే ఉంటారు.. అయితే రాగి గ్లాసులో పాలు తాగితే ఏమౌతుందో ఇక్కడ తెలుసుకుందాం..

రాగి పాత్రలో లేదా గ్లాస్ లో నిల్వ చేసి నీటిని తాగడం ఆరోగ్యకరం. కానీ, అలాంటి రాగి పాత్రలో తాగకూడని కొన్ని పానీయాలు, తీసుకోకూడని ఆహార పదార్థాలు ఉన్నాయి. ముఖ్యంగా పాలతో పాటు సంబంధిత ఉత్పత్తులను ఎట్టి పరిస్థితుల్లో రాగి పాత్రలు లేదా గిన్నెల్లో నిల్వ చేయవద్దని నిపుణులు సూచిస్తున్నారు. పాలు లేదా వాటి ఉత్పత్తులను రాగి పాత్రలో ఎక్కువసేపు నిల్వ ఉంచడం మంచిది కాదు. పాలలోని ఖనిజాలు, విటమిన్లతో రాగి చర్యలు జరుపుతుంది. ఇది ఫుడ్ పాయిజనింగ్‌కు దారి తీస్తుందని చెబుతున్నారు.

రాగి అనేది లోహం. కాబట్టి వాటితో తయారు చేసే గ్లాస్ లేదా పాత్రలో ఉంచిన పాలను తీసుకుంటే వికారం, ఆందోళన వంటి సమస్యలు తలెత్తుతున్నాయి. పాలు లేదా వాటి నుంచి వచ్చే పెరుగును కూడా రాగి పాత్రలో వేసుకుని తీసుకుంటే ప్రతిచర్యలు జరుగుతాయి. ఫలితంగా జీర్ణసమస్యలకు దారి తీస్తాయి. రాగితో తయారు చేసే పాత్రలు, గ్లాసుల్లో పాలు లేదా పెరుగు నిల్వ చేసే విషయంలో జాగ్రత్తగా ఉంటే ఉత్తమం అని నిపుణులు చెబుతున్నారు.

అయితే, రాగి పాలలోని ఆమ్ల భాగాలతో చర్య జరుపుతుంది. ముఖ్యంగా పాలు కాస్తా పుల్లగా ఉంటే రాగి పాత్రలో ఎక్కువసేపు ఉంచితే అవి ప్రతిచర్య ఏర్పరిచి రాగి అయాన్స్ విడుదలవుతాయి. ఇది జీర్ణ సమస్యలు, వికారం, వాంతులకి కారణమవుతుందని వైద్య నిపుణులు చెబుతున్నారు.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని లైఫ్ స్టైల్ న్యూస్ కోసం క్లిక్ చేయండి..