చాలామంది రోజుకు చాలా సార్లు టీ తాగుతూ ఉంటారు. రోజుకు మూడు నుండి నాలుగు సార్లు టీ తాగుతారు. అయితే టీని అధిక పరిమాణంలో తీసుకోవడం ఆరోగ్యానికి హానికరం. మన దేశంలో దాదాపు 90% మందికి ఇష్టమైనది టీ. ఇలాంటి వారికి ఒక నెల పాటు టీ తాగకుండా ఉండటం పెద్ద సవాలే. కానీ టీ తాగాలనే కోరికను అరికట్టడం వల్ల వారి ఆరోగ్యానికి లెక్కలేనన్ని ప్రయోజనాలు లభిస్తాయి. వన్ మంత్ మీరు టీ తాగకుండా ఉంటే మీ దంతాలు ఆరోగ్యంగా ఉంటాయి. అలాగే మీ చర్మం ఎప్పుడూ ఒక బ్రైట్ నెస్ కలిగి ఉంటుంది. ఇంకో విషయం ఏంటంటే మనం టీలో చక్కెర ఎక్కువగా తీసుకుని తాగడం వల్ల మొటిమలు ఎక్కువగా వస్తాయి. సాధారణంగా తాగే టీలో చక్కెర ఎక్కువగా ఉంటుంది. దీనివల్ల కేలరీలు పెరుగుతాయి. ఇది కాకుండా ఆరోగ్య నిపుణుల అభిప్రాయం ప్రకారం టీలో అధిక చక్కెర జీర్ణ వ్యవస్థకు హాని కలిగిస్తుంది. టీ తాగడం మానేయడం వల్ల డీహైడ్రేషన్ సంబంధిత సమస్యలను తగ్గించుతుంది. అంతేకాకుండా టీ తాగడం వల్ల మన కళ్ళకు హాని కలిగించే ఫ్రీ రాడికల్స్ తగ్గుతాయి. దీనివల్ల జీర్ణ సమస్యలు కొన్ని రకాల క్యాన్సర్లు రాకుండా ఉంటాయి. మీరు టీ తాగకుండా ఉండడం వల్ల గుండెల్లో మంట, అజీర్ణం, తల తిరగడం ఇలాంటి సమస్యల నుంచి దూరంగా ఉండవచ్చు. ఇంకో విషయం ఏంటంటే మీ రక్తపోటు సాధారణ స్థితిలో ఉంటుంది.
మరిన్ని వీడియోల కోసం :
