ఆపరేషన్ సిందూర్ సమయంలో పాకిస్తాన్ వైమానిక దళానికి చెందిన ఐదు ఫైటర్ జెట్‌లు, ఒక పెద్ద విమానం కూల్చినట్లు భారత వైమానిక దళం (IAF) చీఫ్ మార్షల్ AP సింగ్ శనివారం తెలిపారు. బెంగళూరులో జరిగిన ఎయిర్ మార్షల్ కాత్రే వార్షిక ఉపన్యాసంలో ఆయన మాట్లాడుతూ ఈ వ్యాఖ్యలు చేశారు. ఈ కార్యక్రమంలో, షాబాజ్ జకోబాబాద్ ఎయిర్‌ఫీల్డ్‌లో పాకిస్తాన్ వైమానిక దళానికి చెందిన కొన్ని F-16 ఫైటర్ జెట్‌లు కూడా ధ్వంసమయ్యాయని IAF చీఫ్ చెప్పారు. అంతేకాకుండా ఆపరేషన్ సిందూర్ సమయంలో మురిద్, చక్లాలా వంటి రెండు కమాండ్ అండ్ కంట్రోల్ కేంద్రాలు కూడా దెబ్బతిన్నాయని వెల్లడించారు.
ఆయన S-400 వైమానిక రక్షణ వ్యవస్థను కూడా ప్రశంసించారు. ఆపరేషన్ సిందూర్ సమయంలో ఎస్‌400 అద్భుతంగా పనిచేసిందని అన్నారు. S-400లను “గేమ్-ఛేంజర్”గా అభివర్ణిస్తూ “ఆ వ్యవస్థ పరిధి వారి విమానాలను వారి ఆయుధాల నుండి దూరంగా ఉంచింది, వారి వద్ద ఉన్న ఆ లాంగ్-రేంజ్ గ్లైడ్ బాంబులు, అవి వ్యవస్థలోకి చొచ్చుకుపోలేకపోయినందున వాటిలో దేనినీ ఉపయోగించలేకపోయారు అని తెలిపారు. ఆపరేషన్ సిందూర్ సందర్భంగా మురిద్కే-లష్కర్-ఎ-తోయిబా ప్రధాన కార్యాలయంపై దాడికి ముందు, తరువాత చిత్రాలను కూడా IAF చీఫ్ చూపించారు.
ఎయిర్ చీఫ్ మార్షల్ ఏపీ సింగ్ కూడా భారతదేశ రాజకీయ నాయకత్వాన్ని ప్రశంసించారు. ఆపరేషన్ సిందూర్ సమయంలో దేశం విజయవంతమవడానికి ఇది కీలక కారణమని అన్నారు. భారత దళాలకు స్పష్టమైన ఆదేశాలు అందాయని, వాటిపై ఎటువంటి ఆంక్షలు విధించలేదని పేర్కొంటూ, మూడు సేవల మధ్య పూర్తి సమకాలీకరణ జరిగిందని ఆయన అన్నారు. భారత దళాలు పాకిస్తాన్ పై స్పష్టంగా పైచేయి సాధించాయని, కేవలం 80-90 గంటల్లోనే వారు చాలా నష్టం కలిగించగలిగారని ఆయన అన్నారు. “వారు ఇలాగే కొనసాగితే, దానికి మరింత మూల్యం చెల్లించుకోవలసి వస్తుందని వారికి స్పష్టంగా అర్థమైంది. కాబట్టి వారు ముందుకు వచ్చి మా DGMO కి మాట్లాడాలనుకుంటున్నట్లు సందేశం పంపారు. దీనిని మా వైపు నుండి అంగీకరించారు” అని సింగ్ స్పష్టం చేశారు.
VIDEO | “5 Pakistan fighters confirmed killed and one large aircraft, largest ever recorded surface-to-air kill,” says Air Chief Marshal Amar Preet Singh on Operation Sindoor, while addressing 16th edition of the Air Chief Marshal LM Katre Memorial Lecture, at the HAL Management… pic.twitter.com/A74pYQ7Fsr
— Press Trust of India (@PTI_News) August 9, 2025
మరిన్ని జాతీయ వార్తల కోసం ఇక్కడ క్లిక్‌ చేయండి
