హైదరాబాదీలకు టీజీఎస్ఆర్టీసీ గుడ్ న్యూస్ అందించింది. రేపటి నుంచి ఇంటి వద్దకే పార్శిళ్ల హోం డెలివరీ చేయనున్నట్టు ప్రకటించింది. ఈ అంశాలపై తాజాగా రాష్ట్ర రవాణా శాఖ మంత్రి పొన్నం ప్రభాకర్ కీలక వ్యాఖ్యలు చేశారు. త‌మ ప్రత్యామ్నాయ ఆదాయాన్ని పెంచుకునేందుకు గానూ లాజిస్టిక్స్(కార్గో) సేవ‌ల‌ను టీజీఎస్ఆర్టీసీ మ‌రింత‌గా విస్తరిస్తోంద‌న్నారు. అందులో భాగంగానే రాజ‌ధాని హైద‌రాబాద్‌లో వేగ‌వంత‌మైన సేవ‌ల‌ను అందించేందుకు హోం డెలివరీ సౌక‌ర్యాన్ని క‌ల్పిస్తున్నట్లు పేర్కొన్నారు. ఆదివారం(అక్టోబర్ 27) నుంచి హైద‌రాబాద్‌లోని 31 ప్రాంతాల నుంచి హోం డెలివరీ సేవలు అందుబాటులో ఉంటాయ‌ని స్పష్టం చేశారు. టీజీఎస్ఆర్టీసీ లాజిస్టిక్స్ సెంట‌ర్స్ నుంచి హైద‌రాబాద్‌లో ఎక్కడికైనా హోం డెలివరీ చేయవ‌చ్చని చెప్పారు. రాబోయే రోజుల్లో ఇంటి నుంచి ఇంటి వరకు సేవలు అందించేలా లాజిస్టిక్స్ విభాగాన్ని టీజీఎస్ఆర్టీసీ అభివృద్ధి చేస్తోంద‌ని తెలిపారు. ప్రజ‌లంద‌రూ హోం డెలివరీ స‌దుపాయాన్ని ఉప‌యోగించుకోవాల‌ని మంత్రి పొన్నం ప్రభాకర్ కోరారు.
పార్శిళ్ల హోం డెలివరీ చార్జీలివే!
– 0 నుంచి 1 కేజీ పార్శిల్‌కు రూ.50
ఇవి కూడా చదవండి
– 1.01నుంచి 5 కేజీల‌కు రూ.60
– 5.01 నుంచి 10 కేజీల‌కు రూ.65
– 10.1 నుంచి 20 కేజీల‌కు రూ.70
– 20.1 నుంచి 30 కేజీల‌కు రూ.75
– 30.1 కేజీలు దాటితే.. రూ.75 కంటే ఎక్కువ ధర..
– ఇంటి వద్దకే టీజీఎస్ఆర్టీసీ కార్గో సేవలు
– హైద‌రాబాద్ లో ఫైల‌ట్ ప్రాజెక్ట్‌గా పార్శిళ్ల హోం డెలివరీ
– రేపటి నుంచి ప్రారంభం
– త్వ‌ర‌లోనే రాష్ట్ర‌వ్యాప్తంగా హోం డెలివరీ సేవలు
– పార్శిళ్ల హోం డెలివరీ చార్జీలివే!
👇
– 0 నుంచి 1 కేజీ పార్శిల్‌కు రూ.50
– 1.01నుంచి 5 కేజీల… pic.twitter.com/R8iIZEwpJT— VC Sajjanar – MD TGSRTC (@tgsrtcmdoffice) October 26, 2024
ఇది చదవండి: గర్ల్‌ఫ్రెండ్‌తో హోటల్ రూమ్‌కు.. తెల్లారేసరికి సీన్ ఇది.. అసలేం జరిగిందంటే
మరిన్ని తెలంగాణ న్యూస్ కోసం క్లిక్ చేయండి..
