ఇటీవల న్యూజిలాండ్ క్రికెట్ జట్టు భారత జట్టుపై చారిత్రాత్మక టెస్టు సిరీస్‌ విజయం సాధించింది. ఈ విజయంలో ఆ జట్టు స్పిన్నర్
అజాజ్‌ పటేల్ కీలక పాత్ర పోషించాడు.
ఈ సిరీస్‌లో లెఫ్టార్మ్‌ స్పిన్నర్ అజాజ్‌ పటేల్ రెండుసార్లు ఐదు వికెట్ల ప్రదర్శన నమోదు చేశాడు. తద్వారా టీమిండియాను వైట్ వాష్ చేయడంలో ప్రధాన పాత్ర పోషించాడు.
ముంబైలో జన్మించిన అజాజ్‌ పటేల్.. న్యూజిలాండ్‌లో స్థిరపడ్డాడు. కివీస్‌ తరఫున అంతర్జాతీయ క్రికెట్ ఆడుతూ సత్తా చాటుతున్నాడు.
టీమిండియాపై కివీస్‌ చారిత్రాత్మక టెస్టు సిరీస్‌ విజయం సాధించిన వెంటనే అజాజ్‌ పటేల్ కుటుంబంతో కలిసి మక్కా యాత్రకు వెళ్లాడు.
తన ఆధ్యాత్మిక యాత్రకు సంబంధించిన ఫొటోలను అజాజ్‌ పటేల్ తన సోషల్ మీడియాలో షేర్ చేసుకోగా అవి కాస్తా ఇప్పుడు వైరల్ అవుతున్నాయి.
