అల్లు అర్జున్, రష్మిక మందన్న జంటగా నటించిన చిత్రం ‘పుష్ప 2’. మూడేళ్ల క్రితం రిలీజై బాక్సాఫీస్ రికార్డులు బద్దలు కొట్టిన పుష్ప సినిమాకు ఇది సీక్వెల్ గా తెరకెక్కింది. ఇప్పటికే అన్ని హంగులు పూర్తి చేసుకున్న ఈ క్రేజీ సీక్వెల్ డిసెంబర్ 10న విడుదల కానుంది. ఈ క్రమంలో తెలుగు రాష్ట్రాల్లో ఇప్పటికే పుష్ప 2 మేనియా ప్రారంభమైంది. పుష్పరాజ్ కు స్వాగతం పలికేందుకు అల్లు అర్జున్ అభిమానులు అన్ని రకాల ఏర్పాట్లు చేస్తున్నారు. ఈ క్రమంలో వైజాగ్ అల్లు అర్జున్ ఫ్యాన్స్ సంగం శరత్‌ థియేటర్‌ వద్ద ఏకంగా 108 అడుగుల ఎత్తైన భారీ కటౌట్‌ను ఏర్పాటు చేశారు.ఇటీవలే అశేష అభిమానుల సమక్షంలో ఈ కటౌట్ ను ఆవిష్కరించారు. ఆకాశాన్ని తాకేలా కనిపిస్తోన్న ఈ పుష్ప రాజ్ కటౌట్ కు సంబంధించిన ఫొటోలు, వీడియోలు ఇప్పుడు సామాజిక మాధ్యమాల్లో వైరలవుతున్నాయి. విశాఖలోనే కాదు ఏపీలో ఇప్పటివరకు ఏ హీరోకు ఇలాంటి భారీ కటౌట్ ఏర్పాటుచేయలేదంటున్నారు బన్నీ ఫ్యాన్స్.
ఇవి కూడా చదవండి
కాగా పుష్ప 2 సినిమాను ప్రమోట్ చేసే పనుల్లో చిత్ర బృందంతో పాటు అభిమానులు కూడా పాలు పంచుకుంటున్నారు. ఇందులో భాగంగానే పలు చోట్ల భారీ కటౌట్ లు ఏర్పాటు చేస్తున్నారు. ఇందులో భాగంగానే వైజాగ్ లో 108 అడుగుల పుష్పరాజ్ కటౌట్ ను ఏర్పాటు చేశారు. ‘ తెలుగు చిత్రసీమలో ఎందరో స్టార్ హీరోలు వచ్చి వెళ్లిపోయారు. వారి కోసం చాలా కటౌట్‌లను నిర్మించారు. అయితే ఇంత పెద్ద కటౌట్‌ను ఎప్పడూ ఏర్పాటు చేయలేదు. సుమారు 108 అడుగుల పొడవు, 16 అడుగుల వెడల్పుతో అల్లు అర్జున్ కటౌట్‌ను నిర్మించడం ఇదే తొలిసారి’ అంటూ బన్నీ ఫ్యాన్స్ తెగ మురిసిపోతున్నారు.
వీడియో ఇదిగో..
Vizag is one of the metropolitan cities in Andhra Pradesh where pushpa cut out celebrations were done yesterday before 10 days of release #Pushpa2TheRule https://t.co/KNaUeXGzOu pic.twitter.com/HCagxaqpeE
— sai_shashank (@shashank_4455) November 25, 2024
ఇప్పటికే రిలీజైన ‘పుష్ప 2’ ట్రైలర్ అందరి దృష్టిని ఆకర్షించింది. ఇక ఈ సినిమా రిలీజ్ కు ముందే 1000 కోట్ల రూపాయల బిజినెస్ చేసిందని అంచనా వేస్తున్నారు. సుకుమార్ దర్శకత్వంలో తెరకెక్కిన ఈ సినిమా డిసెంబర్ 5న ప్రేక్షకుల ముందుకు రానుంది.
108 అడుగుల హైట్ తో..
Vizag is one of the metropolitan cities in Andhra Pradesh where pushpa cut out celebrations were done yesterday before 10 days of release #Pushpa2TheRule https://t.co/KNaUeXGzOu pic.twitter.com/HCagxaqpeE
— sai_shashank (@shashank_4455) November 25, 2024
మరిన్ని సినిమా వార్తల కోసం ఇక్కడ క్లిక్ చేయండి.
