మెగా పవర్‌ స్టార్ రామ్ చరణ్, గ్రేట్ డైరెక్టర్ శంకర్ కాంబినేషన్‌లో తెరకెక్కుతున్న పొలిటికల్ థ్రిల్లర్ మూవీ గేమ్ చేంజర్. తాజాగా ఈ సినిమాకు సంబంధించి ఓ ఇంట్రస్టింగ్ న్యూస్‌ ఫిలిం సర్కిల్స్‌లో వైరల్ అవుతోంది. చెర్రీ బ్లాక్ బస్టర్ మూవీ రంగస్థలం విషయంలో సక్సెస్‌ అయిన ఓ ఫార్ములాను గేమ్ చేంజర్‌లోనూ రిపీట్ చేయబోతున్నారట మేకర్స్‌.
రామ్ చరణ్ కెరీర్‌లో మైల్‌ స్టోన్‌ లాంటి మూవీ రంగస్థలం. సుకుమార్ దర్శకత్వంలో తెరకెక్కిన ఈ సినిమాలో చిట్టిబాబుగా అదరగొట్టారు చరణ్. ఈ సినిమాతోనే ఫస్ట్ టైమ్‌ మంచి నటుడిగా పేరు తెచ్చుకున్నారు. ముఖ్యంగా చెవుడుతో ఇబ్బంది పడే వ్యక్తిగా మెగా పవర్‌ స్టార్ నటన ఆడియన్స్‌కు బాగా కనెక్ట్ అయ్యింది.
కేవలం క్యారెక్టర్‌ను డిఫరెంట్‌గా చూపించడానికి అన్నట్టుగా కాకుండా చిట్టిబాబుకు ఉన్న చెవుడు కారణంగానే కథను మలుపు తిప్పటం రంగస్థలం సినిమాకు చాలా ప్లస్ అయ్యింది. అందుకే ఇప్పుడు గేమ్ చేంజర్ విషయంలోనూ అదే ఫార్ములాను రిపీట్ చేయబోతున్నారట.
శంకర్ దర్శకత్వంలో రూపొందుతున్న గేమ్ చేంజర్ సినిమాలో రెండు డిఫరెంట్ రోల్స్‌లో కనిపించబోతున్నారు చెర్రీ. అందులో ఫ్లాష్ బ్యాక్ ఎపిసోడ్‌లో వచ్చే అప్పన్న పాత్ర నత్తితో ఇబ్బంది పడే పాత్ర అన్న టాక్ వినిపిస్తోంది.
కేవలం క్యారెక్టర్‌ను కొత్తగా చూపించడానికి అన్నట్టుగా కాకుండా, ఆ క్యారెక్టర్‌కు ఉన్న నత్తి కారణంగానే కథ మలుపు తిరిగేలా స్క్రీన్‌ప్లే డిజైన్ చేశారట దర్శకుడు శంకర్. మరి రంగస్థలం విషయంలో వర్కవుట్ అయిన ఫార్ములా గేమ్ చేంజర్‌కు ఎంత వరకు హెల్ప్ అవుతుందో చూడాలి.
