భారతదేశంలో ఎలక్ట్రిక్ వాహనాల పట్ల క్రేజ్ వేగంగా పెరుగుతోంది. ప్రజలు ఇప్పుడు ఎక్కువ సంఖ్యలో EVలను కొనుగోలు చేస్తున్నారు. కొన్ని రాష్ట్రాల్లో ఎలక్ట్రిక్ వాహనాల అమ్మకాలు బాగా పెరిగాయి. అవి ఇతర రాష్ట్రాల కంటే మెరుగ్గా పనిచేశాయి. ఈ అద్భుతమైన పనితీరు వెనుక అనేక కారణాలు ఉన్నాయి. వాటిలో ప్రధానమైనవి జనాభా పరిమాణం, సబ్సిడీ వంటి విధానాలు. అందుకే ఎలక్ట్రిక్ టూ-వీలర్లు, ఎలక్ట్రిక్ కార్ల అమ్మకాల పరంగా టాప్ 10 రాష్ట్రాలు ఏవో తెలుసుకుందాం.
ఈ రాష్ట్రాల్లో ఎలక్ట్రిక్ ద్విచక్ర వాహనాలు:
2024 సంవత్సరంలో 2,10,174 యూనిట్ల అమ్మకాలతో మహారాష్ట్ర ఎలక్ట్రిక్ ద్విచక్ర వాహనాల అమ్మకాలలో అగ్రస్థానంలో ఉంది. 2024 సంవత్సరంలో దేశంలో అమ్ముడైన మొత్తం 691,340 ఎలక్ట్రిక్ ద్విచక్ర వాహనాలలో ఇది దాదాపు 30 శాతం. మహారాష్ట్ర దేశ ఆర్థిక రాజధానిగా ప్రసిద్ధి చెందింది. ఆటో కంపెనీలకు కూడా ప్రధాన కేంద్రంగా ఉంది. అనేక తయారీ యూనిట్లు పూణే, ఔరంగాబాద్‌లలో ఉన్నాయి. ప్రసిద్ధ ఎలక్ట్రిక్ స్కూటర్ బజాజ్ చేతక్ కూడా పూణేలో తయారు అవుతోంది.
ఈ జాబితాలో కర్ణాటక రెండవ స్థానంలో ఉంది. 2024 సంవత్సరంలో 1,55,454 యూనిట్ల ఎలక్ట్రిక్ ద్విచక్ర వాహనాలు అమ్ముడయ్యాయి. కర్ణాటక దేశంలోని ఆటో తయారీ కేంద్రాలలో ఒకటి. ద్విచక్ర వాహన విభాగంలో ఒక పెద్ద పేరు ఏథర్ ఎనర్జీ, దీని ప్రధాన కార్యాలయం బెంగళూరులో ఉంది. 2024 సంవత్సరంలో 1,14,762 యూనిట్ల ఎలక్ట్రిక్ ద్విచక్ర వాహనాలు అమ్ముడయ్యాయి. తమిళనాడు ఎలక్ట్రిక్ ద్విచక్ర వాహనాల అమ్మకాలలో మూడవ స్థానంలో ఉంది.
| టాప్ 10 రాష్ట్రాలు | ఎలక్ట్రిక్ ద్విచక్ర వాహనాలు |
| మహారాష్ట్ర | 2,10,174 |
| కర్ణాటక | 1,55,454 |
| తమిళనాడు | 1,14,762 |
| ఉత్తర ప్రదేశ్ | 95,513 |
| రాజస్థాన్ | 76,821 |
| కేరళ | 66,854 |
| మధ్యప్రదేశ్ | 65,814 |
| గుజరాత్ | 65,081 |
| ఒడిశా | 56,036 |
| ఢిల్లీ | 31,536 |
ఈ రాష్ట్రాల్లో అత్యధికంగా అమ్ముడవుతున్న ఎలక్ట్రిక్ కార్లు
2024 సంవత్సరంలో 15,044 యూనిట్లు అమ్ముడై ఎలక్ట్రిక్ ప్యాసింజర్ వెహికల్ (EPV) అమ్మకాల జాబితాలో మహారాష్ట్ర అగ్రస్థానంలో ఉంది. దీని తరువాత కర్ణాటక రెండవ స్థానంలో ఉంది. ఇక్కడ 14,090 యూనిట్ల ఎలక్ట్రిక్ కార్లు అమ్ముడయ్యాయి. కేరళ 10,982 యూనిట్ల అమ్మకాలతో మూడవ స్థానంలో ఉండగా, తమిళనాడు 7,770 యూనిట్ల ఎలక్ట్రిక్ కార్ల అమ్మకాలతో నాల్గవ స్థానంలో ఉంది. 2024లో 6,781 యూనిట్ల ఎలక్ట్రిక్ కార్లు అమ్ముడైన ఉత్తరప్రదేశ్ ఐదవ స్థానంలో ఉంది.
| టాప్ 10 రాష్ట్రాలు | ఎలక్ట్రిక్ కార్ల అమ్మకాలు |
| మహారాష్ట్ర | 15,044 యూనిట్లు |
| కర్ణాటక | 14,090 యూనిట్లు |
| కేరళ | 10,982 యూనిట్లు |
| తమిళనాడు | 7,770 యూనిట్లు |
| ఉత్తర ప్రదేశ్ | 6,781 యూనిట్లు |
| ఢిల్లీ | 6,527 యూనిట్లు |
| గుజరాత్ | 6,266 యూనిట్లు |
| రాజస్థాన్ | 6,130 యూనిట్లు |
| ఆంధ్రప్రదేశ్ | 4,079 యూనిట్లు |
| హర్యానా | 3,880 యూనిట్లు |
ఇది కూడా చదవండి: Gold Price Today: మహిళలకు షాకింగ్‌.. రికార్డ్ స్థాయిలో బంగారం ధరలు
మరిన్ని బిజినెస్ వార్తల కోసం ఇక్కడ క్లిక్ చేయండి
