ప్రముఖ నటుడు పోసాని కృష్ణమురళి అరెస్ట్‌ అయ్యారు.. పోసాని కృష్ణమురళిని రాయచోటి పోలీసులు అదుపులోకి తీసుకున్నారు.. హైదరాబాద్‌లోని పోసాని కృష్ణమురళి నివాసానికి వెళ్లిన అన్నమయ్య జిల్లా రాయచోటి పోలీసులు ఆయన్ను అదుపులోకి తీసుకున్నారు. హైదరాబాద్ నుంచి పోసానిని ఏపీకి తరలిస్తున్నారు. పోసానిని అనంతపురం తరలిస్తున్నారు.. పోసాని కృష్ణమురళిపై ఓబులవారిపల్లి పోలీస్ స్టేషన్‌లో కేసు నమోదైంది. పోసానిపై సెక్షన్‌ 196, 353(2), 111 రెడ్‌విత్ 3(5) కింద కేసు నమోదు చేసిన పోలీసులు.. బుధవారం రాత్రి అదుపులోకి తీసుకున్నారు.. కులాల పేరుతో దూషించడం.. ప్రజల్లో వర్గ విభేదాలు సృష్టించారని పోసానిపై పోలీసులు కేసు నమోదు చేశారు.
కాగా.. గత కొంత కాలం నుంచి పోసాని కృష్ణమురళి రాజకీయాలకు దూరంగా ఉంటున్నారు. వైసీపీలో క్రియాశీలకంగా పనిచేసిన ఆయన.. పార్టీ ఓటమి తర్వాత రాజకీయాలకు దూరంగా ఉంటానని ప్రకటించారు.
వీడియో చూడండి..
మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి
