నాని కరెక్ట్ ట్రాక్ లోనే వెళ్తున్నారా..? అదేంటి.. వరస విజయాలతో పాటు 100 కోట్ల సినిమాలిస్తున్న హీరోను పట్టుకుని ట్రాక్ మారుతున్నారా అంటారేంటి అర్థం లేకుండా అనుకోవచ్చు. కానీ నాని నిర్ణయాలు చూస్తుంటే ఫ్యాన్స్‌కు ఇలాంటి అనుమానాలే వస్తున్నాయి. ఒకప్పుడు ఎలా ఉండే నానిగారూ.. ఎలా అయిపోతున్నారంటూ షాక్ అవుతున్నారు వాళ్లు.
ఇదిగో.. నాని అంటే మన ఆడియన్స్‌కు ఇలాగే కూల్‌గా పక్కింటి అబ్బాయిగా కనిపించేవారు. ఏమండోయ్ నానిగారూ అని పిలిస్తే.. ఆ అంటూ పలికేంత దగ్గరగా ఉంటాయి ఆయన పాత్రలు.
ఇప్పుడేమో మాస్ అంటూ ఫ్యామిలీ ఆడియన్స్‌కు దూరంగా వెళ్తున్నారు న్యాచురల్ స్టార్. ఈయన సినిమాల్లో రాను రాను వయొలెన్స్ మరీ ఎక్కువైపోతుంది. మొన్నొచ్చిన హిట్ 3 టీజర్ చూసాక.. వామ్మో అక్కడున్నది నానియేనా అని అనుమానాలు వచ్చాయందరికీ.
యానిమల్‌కే బాప్‌లా ఉన్నాడేంట్రా బాబూ అంటూ అంతా ముక్కున వేలేసుకున్నారు. అర్జున్ సర్కార్ పాత్రను అంత సీరియస్‌గా తీసుకున్నారు నాని. ఇక ఇప్పుడు ప్యారడైజ్ టీజర్ చూసాక.. ఫ్యూజులు ఎగిరిపోతున్నాయి.
హిట్ 3, ప్యారడైజ్ సినిమాల టీజర్స్ చూసాక వయొలెన్స్ రేంజ్ ఎంతుందో అర్థమైపోతుంది. ఇవి హిట్టైతే నాని కెరీర్ నెక్ట్స్ లెవల్‌కు వెళ్ళడమైతే ఖాయం.. కానీ ఫ్యామిలీ ఆడియన్స్‌కు దూరమవ్వడం కూడా ఖాయమే. పైగా ఈ సినిమాలకు పిల్లలకు నో ఎంట్రీ అని తేల్చేసారు నాని. మరి ఈ సినిమాలతో నాని ఏం చేయబోతున్నారో చూడాలిక..?
