IPL 2025లో హై-టెంపో మ్యాచ్‌లు, నాటకీయత, వివాదాలు కొనసాగుతున్నాయి. రాజీవ్ గాంధీ ఇంటర్నేషనల్ స్టేడియంలో మార్చి 27న జరిగిన సన్‌రైజర్స్ హైదరాబాద్ (SRH) vs లక్నో సూపర్ జెయింట్స్ (LSG) మ్యాచ్‌లో హర్షల్ పటేల్ వివాదంలో చిక్కుకున్నాడు. ఈ హై-ఆక్టేన్ గేమ్‌లో LSG కెప్టెన్ రిషబ్ పంత్ నాయకత్వంలోని జట్టు SRH పై ఐదు వికెట్ల తేడాతో విజయం సాధించి టోర్నమెంట్‌లో తమ తొలి విజయాన్ని నమోదు చేసింది. ఈ మ్యాచ్ నాటకీయతతో నిండిపోగా, హర్షల్ పటేల్ రెండు సందర్భాల్లో వివాదంలో చిక్కుకున్నాడు. మొదటగా, అతను వేసిన హై ఫుల్‌టాస్ చట్టబద్ధమైనదా? కాదా? అనే ప్రశ్నలు తలెత్తగా, ఆ తర్వాత ఆయుష్ బడోని క్యాచ్ పట్ల కూడా అనేక అనుమానాలు వ్యక్తమయ్యాయి. ఈ రెండు సంఘటనలు సోషల్ మీడియాలో హాట్ టాపిక్‌గా మారాయి.
ఈ మ్యాచ్‌లో, LSG బ్యాటర్ ఆయుష్ బడోని ఒక బంతిని కొట్టగా హర్షల్ పటేల్ క్యాచ్ అందుకున్నాడు. కానీ ఆ క్యాచ్ పూర్తిగా న్యాయబద్ధమైనదా? లేదా? అనే అనుమానాలు వ్యక్తమయ్యాయి.
సాధారణంగా, క్లాస్ క్యాచ్ అయినా సరే, ఫీల్డర్ బంతిని పూర్తి నియంత్రణతో పట్టుకుని, కదలికలు పూర్తిగా ఆగిన తర్వాతే క్యాచ్ పూర్తిగా క్లియర్‌గా పరిగణించాలి. అయితే, హర్షల్ పటేల్ బంతిని పట్టుకున్న వెంటనే భూమికి వదిలేశాడని, అతను బంతిని పూర్తిగా పట్టుకోలేదని కొంతమంది అభిప్రాయపడ్డారు.
అతని కదలికలను నిశితంగా గమనించిన కొన్ని వీడియోల్లో అతను బంతిని కొద్దిగా తొందరపడి వదిలేశాడని అనిపించింది. ఇది చూసి అభిమానులు, విశ్లేషకులు, మాజీ క్రికెటర్లు పటేల్ నిజంగా క్యాచ్ పూర్తి చేశాడా? లేదా? అనే ప్రశ్నలను లేవనెత్తారు.
ఒక క్యాచ్‌ను చట్టబద్ధంగా పరిగణించాలంటే, ఫీల్డర్ బంతిపై పూర్తిగా నియంత్రణను కలిగి ఉండాలి. తన శరీర కదలికలు పూర్తిగా ఆగిన తర్వాత మాత్రమే బంతిని వదలాలి. ICC నియమాల ప్రకారం “క్యాచ్ పట్టే చర్య బంతి మొదట ఫీల్డర్ వ్యక్తిని తాకినప్పటి నుండి ప్రారంభమవుతుంది. ఫీల్డర్ బంతిపై, అతని స్వంత కదలికపై పూర్తి నియంత్రణ పొందినప్పుడు ముగుస్తుంది.”
ఈ నియమాన్ని అనుసరించి, LSG అప్పీల్ చేసి ఉంటే, అంపైర్లు దీనిని మరింత సమీక్షించి నిర్ణయం తీసుకునే అవకాశం ఉండేది. కానీ అప్పటికే ఆట కొనసాగిపోవడంతో ఈ వివాదం అంతకంతకూ పెరిగింది.
ఇలాంటి వివాదాలు క్రికెట్‌లో చాలాసార్లు జరిగిన సంఘటనలే. ఒకవేళ LSG ఆటగాళ్లు అప్పీల్ చేసి ఉంటే, పటేల్ క్యాచ్‌ను ఫెయిర్‌గా పరిగణించేవారా? లేదా? అనేది చర్చనీయాంశంగా మారేది. ఇదే పరిస్థితి 2025 ఛాంపియన్స్ ట్రోఫీలో ఆస్ట్రేలియాతో జరిగిన మ్యాచ్‌లో భారత యువ ఆటగాడు శుభ్‌మాన్ గిల్ ఎదుర్కొన్నాడు. అప్పుడు కూడా అతని క్యాచ్ చట్టబద్ధతపై అనేక అనుమానాలు వ్యక్తమయ్యాయి.
𝐖𝐇𝐀𝐓. 𝐀. 𝐂𝐀𝐓𝐂𝐇 😮
Watch Harshal Patel’s stunning grab running in from the deep 🔝
Updates ▶ https://t.co/X6vyVEvxwz#TATAIPL | #SRHvLSG | @SunRisers pic.twitter.com/qSPXyt2puv
— IndianPremierLeague (@IPL) March 27, 2025
మరిన్ని క్రీడా వార్తల కోసం ఇక్కడ క్లిక్ చేయండి..
