అసలు ఈ టిఆర్ఎఫ్ ఏంటి? దాని వెనుక ఎవరున్నారు? పహల్గాం లోని బైసరన్ లో కాల్పులకు తెగబడి పర్యాటకులను పొట్టనపెట్టుకున్న ది రెసిస్టెన్స్ ఫ్రంట్ కొత్తగా ఏర్పాటు అయింది. కశ్మీర్ కు ప్రత్యేక ప్రతిపత్తిని కల్పించే ఆర్టికల్ 370 ని రద్దు చేసిన తర్వాత ఈ ఉగ్రవాద సంస్థ పుట్టుకొచ్చింది. 2019 లో తొలిసారి టిఆర్ఎఫ్ వెలుగులోకి వచ్చింది. తొలుత ఆన్‌లైన్‌లో ఉగ్ర కార్యకలాపాలకు కొనసాగించిన ఈ గ్రూప్ టెర్రరిస్టులు ఆ తర్వాత లష్కరే తోయిబా వంటి పలు ఉగ్ర సంస్థల సభ్యులతో కలిసి గ్రూపుగా ఏర్పాటు అయింది. టిఆర్ఎఫ్ పుట్టుక వెనుక కర్త, కర్మ, క్రియ అన్నీ పాకిస్తాన్ లష్కరే తోయిబా నుంచి ప్రపంచ దృష్టిని మరల్ించేందుకు పాక్ చెందిన ISI టిఆర్ఎఫ్ ను ఏర్పాటు చేసినట్లు నిఘా వర్గాల సమాచారం. లష్కరే తోయిబాను కారణంగా ఫైనాన్షియల్ యాక్షన్ టాస్క్ ఫోర్స్ 2018లో పాకిస్తాన్‌ను నిషేధిత దేశాల లిస్టులో చేర్చింది. దీంతో ప్రపంచ దృష్టి మళ్ళించేందుకు పాక్ టిఆర్ఎఫ్ ను ఏర్పాటు చేయించిందని తెలుస్తోంది.
