హిందూ క్యాలెండర్ ప్రకారం ప్రతి సంవత్సరం వైశాఖ మాసంలో వచ్చే అమావాస్య రోజున శని జన్మదినోత్సవంగా జరుపుకుంటారు. ఈ సంవత్సరం శని జన్మదినోత్సవాన్ని మే 27న జరుపుకుంటారు. ఈ రోజును న్యాయ దేవుడు, కర్మ ఫలాలను ఇచ్చే దేవుడు శనిదేవుడి జన్మ దినోత్సవంగా జరుపుకుంటారు. ఈ రోజున శనీశ్వరుడిని పూజించడం ద్వారా జీవితంలోని బాధలు, వ్యాధులు, పేదరికం, శని దోషం తొలగిపోతాయని నమ్ముతారు. ఈ శని జయంతి రోజున దేశంలోని ప్రసిద్ధ చెందిన శని దేవాలయాలను సందర్శిస్తారు. అలాంటి ఆలయాల్లో ఒకటి దేశ రాజధాని డిల్లీలో ఉంది. ఇక్కడ కొలువై ఉన్న శనిశ్వరుడిని దర్శనం చేసుకుంటే జీవితంలో ఆనందం, శ్రేయస్సు , శాంతిని తీసుకువస్తుందని నమ్మకం.
ఛత్తర్‌పూర్ లోని ఈ ప్రసిద్ధ దేవాలయాన్ని సందర్శించండి
ఛతర్‌పూర్ ప్రాంతంలో ఉన్న ఈ ఆలయం భారతదేశంలోని అతిపెద్ద , ప్రముఖ శనిశ్వరుడి ఆలయాలలో ఒకటి. ఇక్కడ నల్ల రాయితో చేసిన 21 అడుగుల ఎత్తైన శనిదేవుని విగ్రహం ఉంది. శని జయంతి సందర్భంగా ఇక్కడ ప్రత్యేక పూజలు, హవనము, అభిషేకము జరుగుతాయి. భక్తులు శనీశ్వరుడి ఆశీస్సులను కోరుకుంటూ నూనె, నల్ల నువ్వులు, నీలిరంగు పువ్వులను సమర్పిస్తారు.
శనీశ్వరుడి ఆలయం రోహిణి సెక్టార్-16 (ఢిల్లీ)
రోహిణిలో ఉన్న ఈ శనీశ్వరుడి ఆలయం చాలా ప్రసిద్ధి చెందింది. ప్రతి శనివారం ముఖ్యంగా శని జయంతి రోజున వేలాది మంది భక్తులు ఇక్కడికి చేరుకుంటారు. ఈ ఆలయంలో శనీశ్వరుడి భారీ విగ్రహం ఉంది. ఈ రోజున ప్రత్యేక శని దోష నివారణ పూజలను కూడా నిర్వహిస్తారు.
ఇవి కూడా చదవండి
శ్రీ శనీశ్వరుడి ఆలయం, నోయిడా సెక్టార్ 71 (ఉత్తర ప్రదేశ్)
ఈ ఆలయం నోయిడా ప్రజలకు విశ్వాస కేంద్రం. శని జయంతి సందర్భంగా ఇక్కడ ఒక గొప్ప శకటం, రుద్రాభిషేకం , లంగర్ నిర్వహించబడతాయి. ఈ ఆలయం భక్తులకు విశ్వాసం , శక్తికి చిహ్నంగా మారింది.
శని దేవాలయం, ఫరీదాబాద్ (హర్యానా)
ఫరీదాబాద్‌లోని సూరజ్‌కుండ్ ప్రాంతానికి సమీపంలో ఉన్న ఈ పురాతన ఆలయం అద్భుత నమ్మకాలకు ప్రసిద్ధి చెందింది. శనివారం,యు శని జయంతి నాడు ఇక్కడ ప్రత్యేక ప్రార్థనలు ,పూజలను నిర్వహిస్తారు. భక్తులు నల్లని వస్తువులను దానం చేయడం, నువ్వుల నూనెతో దీపాలను వెలిగించడం ద్వారా శని అనుగ్రహాన్ని పొందుతారు.
శని దేవాలయం, ఘజియాబాద్ (ఉత్తర ప్రదేశ్)
ఘజియాబాద్‌లో ఉన్న ఈ ఆలయం శని భక్తులకు కూడా ప్రత్యేక ప్రాముఖ్యతను కలిగి ఉంది. ఇక్కడ శని జయంతి రోజున ప్రత్యేక శని పథం, తైలాభిషేకం, భండారా నిర్వహిస్తారు. ఆలయ ప్రాంగణంలో భక్తులు భారీ సంఖ్యలో చేరుకుంటారు.
శని జయంతి నాడు ఏమి చేయాలి?
ఉదయాన్నే లేచి స్నానం చేసి, శుభ్రమైన బట్టలు ధరించండి.
శనీశ్వరుడికి నువ్వులు, నూనె, నీలి పూలు, మినపప్పు, ఇనుము మొదలైనవి సమర్పించండి.
శని చాలీసా, శని స్తోత్రం లేదా “ఓం శం శనిశ్చరాయ నమః” 108 సార్లు చదవండి.
దుప్పట్లు, బూట్లు లేదా నువ్వులు వంటి నల్లని వస్తువులను పేదవారికి దానం చేయండి.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..
నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు
