మంగళవారం సహా ఏ రోజు గోర్లు కత్తిరించుకోకూడదు..? ఏ రోజు గోర్లు కట్ చేయడం శుభప్రదమో తెలుసా

హిందూ మతంలో ప్రతిదానికీ సంబంధించిన కొన్ని ప్రత్యేక నియమాలు ఉన్నాయి. గోర్లు కత్తిరించడానికి కొన్ని ప్రత్యేక నియమాలు ఉన్నాయి. పెద్దలు తరచుగా రాత్రిసమయంలో మాత్రమే కాదు కొన్ని ప్రత్యేక రోజులలో గోర్లు కత్తిరించడంపై కూడా నిషేధం ఉంది. జ్యోతిష్య శాస్త్రం ప్రకారం సూర్యాస్తమయం సమయంలో లేదా రాత్రి సమయంలో గోళ్లను ఎప్పుడూ కత్తిరించకూడదు. దీని వలన లక్ష్మీదేవికి ఆగ్రహం కలిగి జీవితంలో సమస్యలు తలెత్తుతాయని నమ్ముతారు. ఏ రోజుల్లో గోర్లు కత్తిరించకూడదో.. ఏ రోజుల్లో గోర్లు కత్తిరించడం శుభప్రదమో ఈ రోజు తెలుసుకుందాం..

ఏ రోజు పొరపాటున కూడా గోళ్లను కత్తిరించవద్దంటే

మంగళవారం: జ్యోతిషశాస్త్రం ప్రకారం మంగళవారం గోర్లు కత్తిరించడం నిషేధించబడింది. మంగళవారం గోర్లు కత్తిరించడం వల్ల అప్పులు పెరుగుతాయని, ఆర్థిక పరిస్థితి మరింత దిగజారిపోతుందని నమ్ముతారు. ముఖ్యంగా హనుమంతుడిని పూజించి ఉపవాసం ఉండేవారు ఈ రోజున గోర్లు కత్తిరించకూడదు.

గురువారం: గురువారం గోర్లు కత్తిరించడం కూడా నిషేధించబడింది. గురువారం రోజున గోళ్లు కత్తిరించడం వల్ల వైవాహిక సంబంధాలలో విభేదాలు ఏర్పడతాయని, భార్యాభర్తల మధ్య దూరం పెరుగుతుందని నమ్ముతారు.

శనివారం: శనివారం కూడా గోర్లు కత్తిరించకూడదు. జాతకంలో శని బలహీనంగా ఉన్న వ్యక్తులు శనివారం గోర్లు కత్తిరించడం వల్ల మానసిక , శారీరక సమస్యలను ఎదుర్కొంటారు. దీనివల్ల ఆర్థిక నష్టం కూడా సంభవించే అవకాశం ఉంది.

ఆదివారం: ఆదివారం గోర్లు కత్తిరించడం వల్ల పనుల్లో అడ్డంకులు ఏర్పడతాయి. ఆత్మవిశ్వాసాన్ని తగ్గిస్తుంది. విజయాన్ని కూడా అడ్డుకుంటుంది. ఆదివారం గోర్లు కత్తిరించడం వల్ల ఆరోగ్యంపై చెడు ప్రభావం చూపుతుంది. కనుక ఈ రోజున గోర్లు కత్తిరించకూడదు.

ఏ రోజున గోర్లు కత్తిరించాలంటే

సోమవారం: జ్యోతిషశాస్త్రంలో సోమవారం గోర్లు కత్తిరించడం మంచిదని భావిస్తారు. ఈ రోజున గోర్లు కత్తిరించుకోవడం వల్ల అజ్ఞానం, పాపం నుంచి విముక్తి లభిస్తుందని నమ్ముతారు. సోమవారం శివుడు, చంద్రుడు , మనస్సుతో ముడిపడి ఉంది.

బుధవారం: దీనితో పాటు బుధవారం కూడా గోర్లు కత్తిరించడానికి శుభప్రదంగా పరిగణించబడుతుంది. బుధవారం గోర్లు కత్తిరించడం వల్ల ఆర్థిక ప్రయోజనాలు చేకూరుతాయని, పురోగతికి మార్గం సుగమం అవుతుందని నమ్ముతారు. దీని వలన వ్యాపారంలో ఆదాయం కూడా పెరుగుతుంది.

శుక్రవారం: శుక్రవారం గోర్లు కత్తిరించుకోవడానికి అత్యంత పవిత్రమైన రోజుగా పరిగణించబడుతుంది. ఈ రోజున గోర్లు కత్తిరించడం వల్ల లక్ష్మీదేవి సంతోషిస్తుందని, జీవితంలో సంపద, శ్రేయస్సు , అందం పెరుగుతుందని నమ్ముతారు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి..

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు