మామిడి టెంక పొడిని తినడం వల్ల రక్తంలో గ్లూకోజ్ స్థాయిని అదుపులో ఉంచవచ్చు. ఇది ముఖ్యంగా షుగర్ వ్యాధితో బాధపడేవారికి ఉపయోగపడుతుంది. శరీరం ఇన్సులిన్‌ కు బాగా స్పందించేలా చేసి గ్లూకోజ్‌ను సరిగ్గా ఉపయోగించుకునేలా చేస్తుంది. దీని వల్ల రక్తంలో చక్కెర స్థాయిలు ఎక్కువగా పెరగకుండా ఉంటాయి.
మామిడి టెంకలో ఉండే విటమిన్లు, ఖనిజాలు, యాంటీఆక్సిడెంట్లు శరీర రక్షణ వ్యవస్థను బలోపేతం చేస్తాయి. ఇవి వైరస్‌ లు, బాక్టీరియాల వల్ల వచ్చే ఇన్ఫెక్షన్ల నుండి రక్షణ కల్పిస్తాయి. ఈ పోషకాల వల్ల శరీరం త్వరగా రోగాలను ఎదుర్కొనే శక్తిని పొందుతుంది.
ఈ టెంకలో ఉండే సహజ పదార్థాలు కాలేయానికి సహాయపడతాయి. మామిడి టెంకలోని యాక్టివ్ కాంపౌండ్లు కాలేయాన్ని శుభ్రం చేసి దాని పని తీరును మెరుగుపరుస్తాయి. దీని వల్ల కాలేయం బలంగా పని చేసి మలినాలను సులభంగా బయటకు పంపగలుగుతుంది.
మామిడి టెంకలో కాల్షియం, ఫాస్ఫరస్, మెగ్నీషియం వంటి ముఖ్యమైన ఖనిజాలు ఉంటాయి. ఇవి ఎముకల ఆరోగ్యానికి చాలా అవసరం. ఈ ఖనిజాల వల్ల ఎముకలు బలంగా తయారవుతాయి. పెద్దలకే కాకుండా పిల్లల ఎదుగుదలకు కూడా ఈ టెంక పొడి చాలా ఉపయోగపడుతుంది.
ఈ టెంకలో శరీర మంటను తగ్గించే గుణాలు ఉంటాయని పరిశోధనలు చెబుతున్నాయి. శరీరంలో ఏర్పడే అంతర్గత మంటలు, కీళ్ల నొప్పులు వంటి సమస్యలకు ఇది ఉపశమనం ఇస్తుంది. ముఖ్యంగా కీళ్ల నొప్పులు ఉన్నవారికి ఈ టెంక పొడి ఎంతో ఉపయోగకరంగా ఉంటుంది.
మామిడి టెంకను పొడి చేసి తినడం ద్వారా జీర్ణక్రియ వ్యవస్థ సక్రమంగా పని చేస్తుంది. ఈ పొడిలోని ఫైబర్ పదార్థాలు అజీర్ణం, కడుపులో వాయువు, గ్యాస్ వంటి సమస్యలను తగ్గించడంలో సహాయపడతాయి. రోజూ ఈ పొడిని కొద్దిగా తీసుకుంటే జీర్ణక్రియ బాగా జరుగుతుంది.
మామిడి టెంక నుంచి తీసే నూనె చర్మానికి సహజమైన మాయిశ్చరైజర్‌ లా పని చేస్తుంది. ఇది పొడి చర్మాన్ని మృదువుగా చేస్తుంది. టెంక పొడిని తేనె లేదా పాలతో కలిపి ముఖానికి ఫేస్ ప్యాక్‌ లా వాడితే చర్మం మెరిసేలా తయారవుతుంది.
మొదట మామిడి టెంకలను బాగా ఎండబెట్టాలి. ఆ తర్వాత మిక్సీలో వేసి సన్నని పొడి చేసుకోవాలి. ఈ పొడిని రోజూ టీలో కలిపి తాగవచ్చు. అలాగే స్మూతీలు, జ్యూస్‌ లలో కలిపి కూడా తీసుకోవచ్చు. ఇది శరీరానికి శక్తిని ఇస్తుంది. ఆరోగ్య నిపుణులు ఈ విధంగా వాడితే దీర్ఘకాలికంగా మంచి ప్రయోజనాలు ఉంటాయని సూచిస్తున్నారు.
మామిడి గింజలను చాలా మంది వ్యర్థం అనుకుని పారేసేస్తారు. కానీ వీటిలో దాగి ఉన్న ఆరోగ్య రహస్యాలు నిజంగా ఆశ్చర్యం కలిగించేలా ఉంటాయి. డయాబెటిస్ నియంత్రణ నుంచి చర్మ సంరక్షణ వరకూ ఎన్నో ప్రయోజనాలు ఉన్నాయి.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
