ఫ్రూట్స్ తింటే ఆరోగ్యానికి చాలా మంచిదన్న విషయం తెలిసిందే. యాపిల్‌లో అనేక రకాల పోషకాలు లభిస్తాయి. రోజూ ఒక యాపిల్ తినడం వల్ల ఎన్నో దీర్ఘకాలిక వ్యాధులు రాకుండా అడ్డుకోవడంలో హెల్ప్ చేస్తుంది. యాపిల్ తింటే రోగాలు దూరంగా ఉంటాయని వైద్యులు చెబుతారు.
ఐబీఎస్ వంటి సమస్యలు ఉన్నవారు యాపిల్ తినకూడదు. ఎందుకంటే యాపిల్‌లో ఫ్రక్టోజ్ అనే చక్కెర ఉంటుంది. దీని వల్ల గ్యాస్, కడుపు ఉబ్బరం వంటి అసౌకర్యాన్ని కలిగిస్తుంది. కాబట్టి ఈ సమస్యలు ఉన్నవారు తినకుండా ఉండటమే మంచిది.
అలెర్జీ సమస్యలు ఉన్నవారు కూడా యాపిల్‌కి దూరంగా ఉండటం మంచిది. దీని వల్ల నోరు, పెదవులు, గొంతు, చర్మం మీద దురద వాపు వంటి సమస్యలు వస్తాయి. కాబట్టి ఇలాంటి వాళ్లు కూడా యాపిల్ తినకూడదు.
యాపిల్ ఎప్పుడైనా సరే భోజనం చేసే ముందు, భోజనం చేసిన వెంటనే తినకూడదు. దీని వల్ల అనేక జీర్ణ సమస్యలు వస్తాయి. కాబట్టి కనీసం రెండు గంటల ముందు, ఆ తర్వాత తినాలి.
అదే విధంగా షుగర్ వ్యాధి ఉన్నవారు కూడా యాపిల్ తినకూడదు. యాపిల్‌లో నేచురల్‌గా షుగర్ కంటెంట్ ఉన్నా.. ఇందులో ఉండే ఫ్రక్టోజ్ రక్తంలో షుగర్ లెవల్స్‌ని పెంచేలా చేస్తుంది. కాబట్టి డయాబెటీస్ ఉన్నవారు కూడా దూరంగా ఉండాలి.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)
