శరీరం స్పీడుగా పని చేయాలంటే ముందుగా హెల్ప్ చేసేవి ఎముకలే. బోన్స్ బలంగా, దృఢంగా ఉంటేనే శరీరం కూడా పనికి సహకరిస్తుంది. ఎముకలు బలంగా ఉండాలంటే.. క్యాల్షియం, విటమిన్ డి, మెగ్నీషియం, ఫాస్పరస్ అనేవి చాలా అవసరం. ఇవి శరీరంలో సరైన మోతాదులో ఉంటేనే ఎముకలు హెల్దీగా ఉంటాయి.
ప్రతి రోజూ ఏదో ఒక రూపంలో పాల ఉత్పత్తులు తీసుకోవాలి. వీటిల్లో తగినంత మోతాదులో క్యాల్షియం అందుతుంది. ఇవి ఎముకలు ఆరోగ్యంగా ఉండేందుకు హెల్ప్ చేస్తుంది. అదే విధంగా ప్రతి రోజూ ఒక అరటి పండు తిన్నా ఎముకలు దృఢంగా ఉంటాయి.
పాలకూర తిన్నా కూడా ఎముకలు బలంగా, దృఢంగానే ఉంటాయి. ఇవి దంతాల, ఎముకల ఆరోగ్యానికి సహాయ పడతాయి. ఇందులో ఉండే పోషకాలు ఎముకలు బలంగా ఉండేందుకు సహాయ పడతాయి.
ప్రతి రోజూ నట్స్ తిన్నా కూడా ఎముకలు బలంగా మారతాయి. త్వరగా ఎముకలు విరిగిపోకుండా, నొప్పులు రాకుండా ఉంటాయి. నట్స్‌లో మనకు అనేక రకాల పోషకాలు లభిస్తాయి. వయసు పెరిగే కొద్దీ కూడా ఎముకలు దృఢంగా ఉంటాయి.
అదే విధంగా విటమిన్ డి ఉండే ఆహారాలు, ఆరెంజె జ్యూస్, చియా సీడ్స్, టోఫు, బ్రకోలీ, నువ్వులు వంటివి తీసుకున్న తగిన మోతాదులో పోషకాలు అంది ఎముకలకు సంబంధించిన సమస్యలు రాకుండా ఉక్కులా మారతాయి. చిన్పప్పటి నుంచి పిల్లలకు ఇవ్వడం కూడా మంచిది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)
