క్యారెట్ తింటే ఆరోగ్యానికి చాలా మంచిదన్న విషయం తెలిసిందే. క్యారెట్ తింటే శరీరం కూడా హెల్దీగా ఉంటుంది. క్యారెట్‌తో అందాన్ని కూడా పెంచుకోవచ్చు. సాధారణంగా క్యారెట్‌తో ఎన్నో రకాల వంటలు తయారు చేసుకుంటూ ఉంటారు. కానీ ఇలా ఫేస్ ప్యాక్స్ వేసుకుంటే చర్మ అందం కూడా పెరుగుతుంది.
క్లియర్ స్కిన్ కోసం క్యారెట్‌ని పేస్టులా చేసి రసం తీసుకోవాలి. ఇందులో కొద్దిగా తేనె, నిమ్మ రసం కలిపి ముఖానికి పట్టిస్తే చర్మంపై ఉండే డెడ్ స్కిన్ సెల్స్ పోయి చర్మం క్లియర్‌గా మారుతుంది. తరచూ వేసుకుంటే మచ్చలు కూడా తగ్గుతాయి.
క్యారెట్‌ని ఉడికించి పేస్టులా చేయాలి. ఇందులో పచ్చి పాలు లేదా కాచిన పాలు, కొద్దిగా పసుపు కలిపి ఫేస్ ప్యాక్‌లా ముఖానికి వేసుకోవాలి. ఇది చర్మంపై ఉండే మురికిని తొలగించి మంచి గ్లోని ఇస్తుంది.
నేరుగా క్యారెట్ రసాన్ని కూడా కాటన్ సహాయంతో ముఖానికి అప్లై చేయవచ్చు. ఇలా తరచూ చేసినా కొద్ది రోజులకు మంచి మార్పు వస్తుంది. క్యారెట్ రసం లేదా పేస్టులో అయినా కొద్దిగా పెరుగు కలిపి ముఖానికి పట్టించినా సాఫ్ట్ స్కిన్ మీ సొంతం అవుతుంది.
ఇలా క్యారెట్‌తో చాలా రకాల ఫేస్ ప్యాక్స్ వేసుకోవచ్చు. క్యారెట్ రసం తరచూ తాగినా, రోజుకు ఒక క్యారెట్ తిన్నా చర్మ రంగులో మంచి మార్పులు వస్తుంది. అందాన్ని పెంచడంలో క్యారెట్ ఎంతో హెల్ప్ చేస్తుంది.
