ఈ ద్రవ్యోల్బణం యుగంలో సంపాదనతో పాటు పొదుపు కూడా అవసరం అయింది. చాలా మందికి ఏదో ఒక బ్యాంకులో పొదుపు ఖాతా ఉంటుంది. నగదు డిపాజిట్ చేయడానికి, కొన్నిసార్లు పెద్ద మొత్తంలో ఒకేసారి విత్‌డ్రా చేయడానికి ప్రజలు సేవింగ్స్ ఖాతాను ఉపయోగిస్తారు. అయితే దీనికి సంబంధించి కొన్ని రూల్స్ ఉన్నాయని, వాటిని పాటించకుంటే పెనాల్టీ చెల్లించాల్సి ఉంటుందని తెలుసా.
పొదుపు ఖాతాలో డబ్బును డిపాజిట్ చేసే ముందు నియమాలను తెలుసుకోండి
ఆదాయపు పన్ను నిబంధనల ప్రకారం.. సేవింగ్స్ ఖాతాలో నగదు డిపాజిట్‌పై పరిమితి ఉంటుంది. మీరు ఒక రోజులో గరిష్టంగా రూ. 1 లక్ష వరకు నగదు డిపాజిట్ చేయవచ్చు. ఫోర్బ్స్ నివేదిక ప్రకారం.. మీరు ఒక ఆర్థిక సంవత్సరంలో రూ. 10 లక్షలు లేదా అంతకంటే ఎక్కువ డిపాజిట్ చేస్తే, అప్పుడు ఐటీ శాఖకు సమాచారం ఇవ్వాలి. కానీ మీకు కరెంట్ ఖాతా ఉంటే, ఈ పరిమితి రూ. 50 లక్షలు. నివేదిక ప్రకారం, ఆర్థిక సంస్థలు ఈ పరిమితుల కంటే ఎక్కువ లావాదేవీలను ఆదాయపు పన్ను శాఖకు నివేదించడం నియమం. పొదుపు ఖాతాలు, కరెంట్ ఖాతాలు, ఆర్థిక సంస్థల నగదు లావాదేవీలపై నిఘా ఉంచేందుకు ఆదాయపు పన్ను శాఖ ఈ పరిమితిని విధించింది. తద్వారా మనీలాండరింగ్, పన్ను ఎగవేత, ఇతర అక్రమ ఆర్థిక కార్యకలాపాలను నిరోధించవచ్చు.
ఇది కూడా చదవండి: LPG Price: కొత్త ఏడాదిలో గుడ్‌న్యూస్‌.. తగ్గిన గ్యాస్‌ సిలిండర్‌ ధర..!
బ్యాంకు ఖాతాలో నగదు డిపాజిట్ల పరిమితులు:
ఒక ఆర్థిక సంవత్సరంలో ఒక వ్యక్తి తన ఖాతాలో గరిష్టంగా రూ. 10 లక్షలు డిపాజిట్ చేయవచ్చు. ఈ పరిమితి ఒకటి లేదా అంతకంటే ఎక్కువ ఖాతాలు ఉన్న పన్ను చెల్లింపుదారుల కోసం. ఒక వ్యక్తి ఆర్థిక సంవత్సరంలో రూ.10 లక్షల కంటే ఎక్కువ నగదు డిపాజిట్ చేస్తే, ఆ విషయాన్ని బ్యాంకు ఆదాయపు పన్ను శాఖకు తెలియజేయాలి. మీరు ఒక రోజులో రూ. 1 లక్ష వరకు నగదు డిపాజిట్ చేయవచ్చు. మీరు మీ ఖాతాలో క్రమం తప్పకుండా నగదు జమ చేయకపోతే పరిమితి రూ. 2.50 లక్షల వరకు ఉంటుంది. 50,000 లేదా అంతకంటే ఎక్కువ నగదును బ్యాంకులో డిపాజిట్ చేస్తే, మీరు పాన్ నంబర్‌ను కూడా అందించాలి. కరెంట్ ఖాతాలకు నగదు డిపాజిట్ పరిమితి రూ.50 లక్షలు. పెద్ద పంపిణీదారులు, తయారీదారులు, సర్వీస్ ప్రొవైడర్ల కోసం రూపొందించిన కరెంట్ ఖాతాల కోసం నెలవారీ నగదు డిపాజిట్ పరిమితి రూ.1 నుండి రూ.2 కోట్లు.
సెక్షన్ 194A అంటే ఏమిటి?
మీరు ఒక ఆర్థిక సంవత్సరంలో మీ సేవింగ్స్ ఖాతా నుండి రూ. 1 కోటి కంటే ఎక్కువ విత్‌డ్రా చేస్తే, దానిపై 2% TDS కట్‌ అవుతుంది. గత మూడేళ్లుగా ఐటీఆర్ ఫైల్ చేయని వారికి 2% టీడీఎస్ మినహాయించబడుతుంది. అది కూడా రూ. 20 లక్షల కంటే ఎక్కువ విత్‌డ్రా చేస్తే మాత్రమే. అలాగే అలాంటి వ్యక్తులు ఆర్థిక సంవత్సరంలో రూ. 1 కోటి విత్‌డ్రా చేస్తే, 5% టీడీఎస్ విధిస్తారు.
సెక్షన్ 269ST:
ఆదాయపు పన్ను చట్టంలోని సెక్షన్ 269ST ప్రకారం.. ఎవరైనా నిర్దిష్ట ఆర్థిక సంవత్సరంలో ఒక వ్యక్తి ఖాతాలో రూ. 2 లక్షలు లేదా అంతకంటే ఎక్కువ నగదును డిపాజిట్ చేస్తే, దానిపై జరిమానా విధించబడుతుంది. అయితే, బ్యాంకు నుండి డబ్బును విత్‌డ్రా చేయడంపై ఈ పెనాల్టీ విధించబడదు. నిర్దిష్ట పరిమితికి మించిన ఉపసంహరణలపై టీడీఎస్ తగ్గింపు వర్తిస్తుంది.
ఇది కూడా చదవండి: ITR Deadline: ఐటీఆర్ ఫైల్ చేయని వారికి బిగ్‌ రిలీఫ్‌.. గడువు పొడిగింపు..!
మరిన్ని బిజినెస్ వార్తల కోసం ఇక్కడ క్లిక్ చేయండి
