గుండె జబ్బుల నుండి రక్షణ : కందగడ్డలో ఉండే పొటాషియం, ఫైబర్ గుండె ఆరోగ్యాన్ని మెరుగుపరుస్తుంది. అధిక రక్తపోటును నియంత్రించడంలో సహాయపడుతుంది. అంతేకాకుండా దీంట్లో యాంటీఆక్సిడెంట్లు, విటమిన్ సి, బీటా కెరోటిన్ పుష్కలంగా ఉంటాయి. ఇవి రోగనిరోధక శక్తిని పెంచడానికి సహాయపడతాయి.
మెదడుకు: కందగడ్డ తినడం వల్ల మెదడు చురుకుగా పనిచేస్తుందని నిపుణులు చెబుతున్నారు. మెదడులో న్యూరాన్ల అభివృద్ధికి ఇది సహాయపడుతుంది. తరుచూ ఆహారంలో దీనిని చేర్చుకుంటే జ్ఞాపకశక్తి పెరుగుతంది.
బరువు తగ్గడానికి:
కంద గడ్డలో తక్కువ గ్లైసెమిక్ ఇండెక్స్ ఉంటుంది. అధిక పీచు పదార్థాల కారణంగా బరువు తగ్గడానికి సహాయపడుతుంది. చెడు కొలెస్ట్రాల్‌ను తగ్గించి.. మంచి కొలెస్ట్రాల్‌ను పెంచుతుంది.
క్యాన్సర్ నుండి రక్షణ: కందగడ్డలోని యాంటీఆక్సిడెంట్లు ఇతర సమ్మేళనాలు క్యాన్సర్ కణాల పెరుగుదలను నిరోధించడంలో సహాయపడతాయి. క్యాన్సర్ వృద్ధిని ఇది ప్రభావవంతంగా అడ్డుకుంటుంది.
జీర్ణక్రియ సమస్యలకు చెక్: కందగడ్డలో పీచు పదార్థాలు అధికంగా ఉంటాయి. ఇవి జీర్ణక్రియను మెరుగుపరుస్తాయి. జీర్ణ సమస్యలను తగ్గించి మలబద్ధకాన్ని నివారిస్తుంది. మంచి బ్యాక్టీరియాను పెంచుతుంది.
