దిన ఫలాలు (ఏప్రిల్ 4, 2025): మేష రాశి వారు వృత్తి జీవితంలో ఆర్థికంగా దూసుకుపోతారు. ఉద్యోగంలో అధికారులు మీ మీద ఆధారపడడం ఎక్కువవుతుంది. వృషభ రాశి వారు వృత్తి, ఉద్యోగాలలో శుభవార్తలు వింటారు. బాధ్యతలు, లక్ష్యాలు మారే అవకాశం ఉంది. మిథున రాశి వారికి అనేక విధాలుగా ఆదాయం వృద్ధి చెందే అవకాశం ఉంది. నిరుద్యోగులకు సమయం బాగా అనుకూలంగా ఉంది. మేష రాశి మొదలు మీన రాశి వరకు 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1)
వృత్తి, ఉద్యోగాల్లో ఆశించిన పురోగతి ఉంటుంది. ఉద్యోగంలో అధికారులు మీ మీద ఆధారపడడం ఎక్కువవుతుంది. వృత్తి జీవితంలో ఉన్నవారు ఆర్థికంగా దూసుకుపోతారు. డాక్టర్లు, లాయర్లవంటి వృత్తుల వారు మంచి ప్రాధాన్యం, గుర్తింపు సంపాదించుకుంటారు. ఆదాయం మెరుగ్గా ఉంటుంది. బంధుమిత్రులకు సహాయం చేస్తారు. తోబుట్టువులతో సఖ్యత పెరుగుతుంది. కుటుంబంలో ప్రశాంత వాతావరణం ఏర్పడుతుంది. విలాసాల మీద బాగా ఖర్చు చేయడం జరుగుతుంది.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగాలలో శుభవార్తలు వింటారు. బాధ్యతలు, లక్ష్యాలు మారే అవకాశం ఉంది. వ్యాపారాల మీద శ్రద్ధ పెంచాల్సిన అవసరం ఉంది. దగ్గర బంధువులతో ఇబ్బందికర పరిస్థితులు ఎదురయ్యే అవకాశం ఉంది. ఆదాయం బాగానే ఉంటుంది. ఆర్థిక వ్యవహారాల్లో కొంచెం జాగ్రత్తగా వ్యవహరించడం మంచిది. ఆర్థిక పరిస్థితి చాలావరకు అనుకూలంగా ఉంటుంది. ఎటువంటి వాగ్దానాలూ చేయవద్దు. ఆరోగ్యం బాగానే ఉంటుంది. ఉద్యోగ, పెళ్లి ప్రయత్నాలు సఫలమయ్యే అవకాశం ఉంది.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగంలో అధికారుల నుంచి ఆదరాభిమానాలు లభిస్తాయి. డాక్టర్లు, లాయర్లు, ఇంజనీర్ల వంటి వృత్తి రంగాలవారికి డిమాండ్ పెరుగుతుంది. వ్యాపారాల్లో లాభాలు ఆశించిన స్థాయిలో పెరుగుతాయి. అనేక విధాలుగా ఆదాయం వృద్ధి చెందే అవకాశం ఉంది. నిరుద్యోగులకు సమయం బాగా అనుకూలంగా ఉంది. వ్యక్తిగత సమస్యలు కొద్ది ప్రయత్నంతో పరిష్కారం అవుతాయి. ఏ ప్రయత్నం తలపెట్టినా విజయవంతం అవుతుంది. కొందరు ప్రముఖులతో పరిచయాలు ఏర్పడతాయి.
కర్కాటకం (పునర్వసు 4, పుష్యమి, ఆశ్లేష)
వృత్తి, ఉద్యోగాల్లో సమర్థతకు మంచి గుర్తింపు లభిస్తుంది. హోదా, జీతభత్యాలు పెరిగే అవకాశం ఉంది. వ్యాపారాలలో రాబడి నిలకడగా కొనసాగుతుంది. ఉద్యోగం మారడానికి చేస్తున్న ప్రయత్నాలు ఫలిస్తాయి. ఉద్యోగులతో పాటు నిరుద్యోగులకు కూడా మంచి ఆఫర్లు అందుతాయి. ఆదాయంలో ఆశించిన పెరుగుదల ఉంటుంది. ఒకటి రెండు శుభవార్తలు వినే అవకాశం ఉంది. ముఖ్య మైన పనులు సకాలంలో పూర్తవుతాయి. ఆరోగ్యం విషయంలో బాగా జాగ్రత్తగా ఉండడం మంచిది.
సింహం (మఖ, పుబ్బ, ఉత్తర 1)
ఉద్యోగంలో అదనపు బాధ్యతలు నిర్వర్తించాల్సి వస్తుంది. వృత్తి, వ్యాపారాల్లో శ్రమ, ఒత్తిడి పెరుగుతాయి. ఆదాయంలో కొద్దిపాటి పెరుగుదల ఉండవచ్చు. ఖర్చులు తగ్గించుకుని, పొదుపు పాటించడం మంచిది. ధనపరంగా ఎవరికీ ఎటువంటి వాగ్దానాలూ చేయకపోవడం ఉత్తమం. బంధువుల నుంచి శుభవార్తలు వింటారు. సొంత పనుల మీద శ్రద్ధ పెట్టాల్సిన అవసరం ఉంది. మిత్రుల సహాయంతో ముఖ్యమైన పనులు పూర్తి చేస్తారు. కుటుంబ జీవితం హ్యాపీగా, సాఫీగా సాగిపోతుంది.
కన్య (ఉత్తర 2,3,4, హస్త, చిత్త 1,2)
ఉద్యోగంలో అధికారుల నమ్మకాన్ని చూరగొంటారు. ఏ పని అప్పగించినా సకాలంలో, సంతృప్తి కరంగా నెరవేరుస్తారు. వృత్తి జీవితం ప్రోత్సాహకరంగా సాగిపోతుంది. వ్యాపారాల్లో లాభాలు కొద్దిగా పెరుగుతాయి. అనేక మార్గాల్లో ఆదాయం వృద్ధి చెందుతుంది. ఉద్యోగం మారడానికి ఇది చాలా వరకు అనుకూలమైన సమయం. నిరుద్యోగులకు మంచి ఆఫర్ వచ్చే అవకాశం ఉంది. పెళ్లి ప్రయత్నాలు సఫలం అవుతాయి. మంచి పరిచయాలు ఏర్పడతాయి. ఆరోగ్యం బాగానే ఉంటుంది.
తుల (చిత్త 3,4, స్వాతి, విశాఖ 1,2,3)
ఉద్యోగంలో కొన్ని శుభ పరిణామాలు అనుభవానికి వస్తాయి. వృత్తి రంగంలో ఉన్నవారి ఆర్థిక పరిస్థితి చాలావరకు మెరుగుపడుతుంది. వ్యాపారంలో పెట్టుబడులు పెంచడం మీద దృష్టి పెడతారు. కుటుంబ జీవితం సాఫీగా, హ్యాపీగా సాగిపోతుంది. ఆకస్మిక ధన లాభ సూచనలున్నాయి. పిల్లల నుంచి ఆశించిన శుభవార్తలు అందుకుంటారు. సొంత పనుల మీద ఎక్కువగా శ్రద్ధ పెట్టడం మంచిది. నిరుద్యోగులకు ఒకటి రెండు శుభవార్తలు అందుతాయి. ఆదాయం వృద్ధి చెందుతుంది.
వృశ్చికం (విశాఖ 4, అనూరాధ, జ్యేష్ఠ )
ఆదాయం నిలకడగానే ఉన్నప్పటికీ, అనుకోని ఖర్చులు తప్పకపోవచ్చు. కొద్దిపాటి శ్రమతో ముఖ్యమైన పనులు, వ్యవహారాలు పూర్తవుతాయి. ఆస్తి, ఆర్థిక వ్యవహారాలు సానుకూల పడతాయి. ఉద్యోగంలో కొద్దిగా పనిభారం పెరిగే అవకాశం ఉంది. సహచరులతో బాధ్యతలను పంచుకోవాల్సి వస్తుంది. వృత్తి జీవితంలో గుర్తింపుతో పాటు డిమాండ్ కూడా పెరుగుతుంది. వ్యాపారులకు కొద్దిగా లాభాలు వృద్ధి చెందుతాయి. ఆరోగ్యం విషయంలో కొద్దిగా జాగ్రత్తగా ఉండడం మంచిది.
ధనుస్సు (మూల, పూర్వాషాఢ, ఉత్తరాషాఢ 1)
ఆర్థిక పరిస్థితి చాలావరకు మెరుగుపడుతుంది. అనేక విధాలుగా ఆదాయం వృద్ధి చెందుతుంది. ఇతరులకు సహాయపడగల స్థితిలో ఉంటారు. ఉద్యోగ జీవితంలో అధికారుల ఆదరాభిమానాలు పెరుగుతాయి. బాధ్యతలు, లక్ష్యాలను సకాలంలో పూర్తి చేయడం జరుగుతుంది. వృత్తి, వ్యాపా రాలు లాభసాటిగా ముందుకు సాగుతాయి. కుటుంబ సభ్యుల మీద ఎక్కువగా ఖర్చు చేస్తారు. అనుకోని శుభవార్తలు వినడం జరుగుతుంది. కొన్ని ముఖ్యమైన పనులు తేలికగా పూర్తవుతాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఉద్యోగంలో ప్రాధాన్యం బాగా పెరుగుతుంది. అధికారులు ప్రత్యేక బాధ్యతలతో ప్రోత్సహిస్తారు. వృత్తి, వ్యాపారాలు సజావుగా సాగిపోతాయి. ముఖ్యమైన పనులు, ప్రయత్నాలు తేలికగా పూర్తవుతాయి. ఆర్థిక లావాదేవీల వల్ల ప్రయోజనం ఉంటుంది. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. అనుకోకుండా ఆదాయం పెరుగుతుంది. ఆర్థిక అవసరాలు, ఆర్థిక సమస్యలు కొద్దిగా తగ్గుముఖం పడతాయి. ఆహార, విహారాల్లో జాగ్రత్తలు పాటించాల్సిన అవసరం ఉంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగ జీవితంలో బాధ్యతలు మారే అవకాశం ఉంది. పని ఒత్తిడి నుంచి ఉపశమనం లభిస్తుంది. ఆదాయం నిలకడగా సాగిపోతుంది. కుటుంబ సభ్యుల మీద ఖర్చులు పెరుగుతాయి. వృత్తి, వ్యాపారాల్లో కొన్ని సానుకూల మార్పులు, చేర్పులు చోటు చేసుకుంటాయి. ఆదాయం వృద్ధి ప్రయత్నాలు చాలావరకు సఫలం అవుతాయి. నిరుద్యోగులకు మంచి ఆఫర్ వచ్చే అవకాశం ఉంది. బంధువులతో పెళ్లి సంబంధం కుదురుతుంది. ఆహార, విహారాల్లో జాగ్రత్తగా ఉండడం మంచిది.
మీనం (పూర్వాభాద్ర 4, ఉత్తరాభాద్ర, రేవతి)
ఉద్యోగంలో తప్పనిసరిగా కొన్ని అదనపు బాధ్యతలను నిర్వర్తించాల్సి వస్తుంది. పనిభారం పెరిగినా ప్రతిఫలం ఉంటుంది. వృత్తి, వ్యాపారాల్లో కూడా కొద్దిగా శ్రమ, ఒత్తిడి తప్పకపోవచ్చు. ఇతరుల బాధ్యతలు మీద వేసుకోవడం మంచిది కాదు. ఆరోగ్యం నిలకడగా ఉంటుంది. ఆర్థిక పరిస్థితి ఆశాజనకంగా ఉంటుంది. ఖర్చుల్ని తగ్గించుకోవడం మంచిది. రాదనుకున్న డబ్బు చేతికి అందుతుంది. మొండి బాకీలను రాబట్టుకుంటారు. ఆర్థిక లావాదేవీలకు దూరంగా ఉండడం శ్రేయస్కరం.
