ఈసారి ఆదాయపు పన్ను రిటర్న్‌లను దాఖలు చేసే తేదీని ఆదాయపు పన్ను శాఖ సెప్టెంబర్ 15 వరకు పొడిగించింది. తేదీ దగ్గర పడుతోంది. ప్రజలు తమ ఆదాయ వివరాలను శాఖకు అందిస్తున్నారు. కానీ భారతదేశంలో ఆదాయంపై జీరో ట్యాక్స్‌ ఉన్న రాష్ట్రం ఉందని మీకు తెలుసా? సిక్కింలో ఏ వ్యక్తి కూడా తన ఆదాయంపై ఎటువంటి పన్ను చెల్లించాల్సిన అవసరం లేదు.
భారతదేశంలోని ఏకైక రాష్ట్రం సిక్కిం, రాజ్యాంగంలోని ఆర్టికల్ 371(F), ఆదాయపు పన్ను చట్టంలోని సెక్షన్ 10(26AAA) కింద స్వదేశీ నివాసితులకు ఆదాయపు పన్ను నుండి మినహాయింపు ఉంది. 1975లో సిక్కిం భారతదేశంలో భాగమైనప్పుడు దానికి దాని స్వంత పరిపాలనా, పన్ను నియమాలు ఉన్నాయి. భారత ప్రభుత్వం ఈ నియమాలను కొనసాగిస్తామని హామీ ఇచ్చింది. దీని కోసం ఆర్టికల్ 371(F)ను రాజ్యాంగంలో చేర్చారు.
ఈ ఆదాయాలపై మినహాయింపు అందుబాటులో..
ఈ ఆర్టికల్ కారణంగా సిక్కిం స్థానికులకు ఆదాయపు పన్ను మినహాయింపు లభించింది. ఇది నేటికీ వర్తిస్తుంది. సెక్షన్ 10 (26AAA) ప్రకారం.. సిక్కిం స్థానికుల జీతం, వ్యాపారం, వాటాల నుండి లాభం, వడ్డీ లేదా పెట్టుబడి వంటి వాటిపై ఎటువంటి పన్ను లేదు. భారతదేశంలోని ఇతర రాష్ట్రాల నుండి సిక్కింను వేరు చేసే సాంస్కృతిక, చారిత్రక గుర్తింపును కాపాడటానికి ఈ ప్రత్యేక నిబంధన చేసింది.
ఈ వ్యక్తులకు మినహాయింపు లభించదు:
సిక్కింలో ఆదాయంపై పన్ను లేదు. కానీ దీనికి కూడా కొన్ని నియమాలు ఉన్నాయి. అంటే అక్కడి ప్రజలందరికీ మినహాయింపు లభించదు. 1961 సిక్కిం సబ్జెక్ట్ రెగ్యులేషన్‌లో నమోదు చేసుకున్నవారు, ఆ సమయంలో నమోదు చేసుకున్న వ్యక్తుల వారసులు మాత్రమే పన్ను మినహాయింపు పొందుతారు. కొత్తవారు లేదా బయటి నుండి వచ్చే వ్యక్తులు ఈ మినహాయింపుకు అర్హులు కారు.
ఇది కూడా చదవండి: Vehicles Policy: ఆ వాహనాలకు షాకింగ్‌ న్యూస్‌.. ఆ ప్రభుత్వం సంచలన నిర్ణయం..!
మరిన్ని బిజినెస్ వార్తల కోసం ఇక్కడ క్లిక్ చేయండి
