Kolkata Knight Riders vs Sunrisers Hyderabad: ఐపీఎల్ 2025లో సన్‌రైజర్స్ హైదరాబాద్ వరుసగా మూడో ఓటమిని చవిచూసింది. గురువారం జరిగిన మ్యాచ్‌లో డిఫెండింగ్ ఛాంపియన్స్ కోల్‌కతా నైట్ రైడర్స్ చేతిలో 80 పరుగుల తేడాతో సన్‌రైజర్స్ హైదరాబాద్ ఓడిపోయింది. ఈ ఓటోమితో హైదరాబాద్ జట్టు పాయింట్ల పట్టికలోనూ ఓటమిని చవిచూడాల్సి వచ్చింది. సన్‌రైజర్స్ హైదరాబాద్ జట్టు 4 మ్యాచ్‌ల్లో కేవలం ఒకే ఒక్క మ్యాచ్ గెలిచింది. దీంతో 2 పాయింట్లతో 10వ స్థానంలో నిలిచింది.
ఈడెన్ గార్డెన్స్ స్టేడియంలో 201 పరుగుల లక్ష్యాన్ని ఛేదించే క్రమంలో హైదరాబాద్ జట్టు 16.3 ఓవర్లలో 120 పరుగులకు ఆలౌటైంది. వరుణ్ చక్రవర్తి, వైభవ్ అరోరా తలో 3 వికెట్లు తీశారు. రస్సెల్‌కు 2 వికెట్లు దక్కాయి. హైదరాబాద్ జట్టులో హెన్రిచ్ క్లాసెన్ 33 పరుగులు, కమిందు మెండిస్ 27 పరుగులు చేశారు.
టాస్ ఓడి బ్యాటింగ్ చేసిన కోల్‌కతా 20 ఓవర్లలో 6 వికెట్ల నష్టానికి 200 పరుగులు చేసింది. వెంకటేష్ అయ్యర్ 29 బంతుల్లో 60 పరుగులు చేశాడు. అంగ్క్రిష్ రఘువంశీ 32 బంతుల్లో 50 పరుగులు చేశాడు. కెప్టెన్ అజింక్య రహానే 38 పరుగులు, రింకు సింగ్ అజేయంగా 32 పరుగులు చేశాడు. 5 మంది బౌలర్లు ఒక్కొక్కరికి ఒక వికెట్ పడగొట్టారు.
ఇరు జట్లు:
సన్‌రైజర్స్ హైదరాబాద్ (ప్లేయింగ్ XI): అభిషేక్ శర్మ, ఇషాన్ కిషన్, నితీష్ కుమార్ రెడ్డి, అనికేత్ వర్మ, హెన్రిచ్ క్లాసెన్(కీపర్), కమిందు మెండిస్, సిమర్‌జీత్ సింగ్, పాట్ కమిన్స్(కెప్టెన్), హర్షల్ పటేల్, మహ్మద్ షమీ, జీషన్ అన్సారీ
కోల్‌కతా నైట్ రైడర్స్ (ప్లేయింగ్ XI): క్వింటన్ డి కాక్(కీపర్), సునీల్ నరైన్, అజింక్యా రహానే(కెప్టెన్), వెంకటేష్ అయ్యర్, రింకు సింగ్, అంగ్క్రిష్ రఘువంశీ, మొయిన్ అలీ, ఆండ్రీ రస్సెల్, రమణదీప్ సింగ్, హర్షిత్ రాణా, వరుణ్ చక్రవర్తి.
రెండు జట్లకు ఇంపాక్ట్ ప్లేయర్స్:
సన్‌రైజర్స్ హైదరాబాద్ ఇంపాక్ట్ ప్లేయర్స్: అభినవ్ మనోహర్, జయదేవ్ ఉనద్కత్, ట్రావిస్ హెడ్, రాహుల్ చాహర్, వియాన్ ముల్డర్.
కోల్‌కతా నైట్ రైడర్స్ ఇంపాక్ట్ ప్లేయర్స్: మనీష్ పాండే, వైభవ్ అరోరా, అనుకుల్ రాయ్, రోవ్‌మన్ పావెల్, లువ్నిత్ సిసోడియా.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
