సింగం ఎగైన్ సక్సెస్‌తో మళ్లీ ఫామ్‌లోకి వచ్చిన దర్శకుడు రోహిత్ శెట్టి వరుస సినిమాలు ఎనౌన్స్ చేస్తున్నారు. ఎప్పుడు సెట్స్ మీదకు వెళతాయన్న క్లారిటీ లేకపోయినా… క్రేజీ కాంబినేషన్స్‌లో బిగ్ ప్రాజెక్ట్స్‌కు ప్రిపేర్ అవుతున్నట్టుగా రివీల్ చేశారు. తాజాగా ఈ లిస్ట్‌లో ఓ లేడీ ఓరియంటెడ్ మూవీని కూడా ఎనౌన్స్ చేశారు రోహిత్.
సింగం ఎగైన్ సక్సెస్ బాలీవుడ్‌లో కమర్షియల్ ఫార్ములా సినిమాలకు కొత్త జోష్ ఇచ్చింది. ఈ సినిమాతో హీరోలు అజయ్ దేవగన్‌, అక్షయ్‌ కుమార్‌, టైగర్‌ ష్రాఫ్‌తో పాటు దర్శకుడు రోహిత్ శెట్టి కూడా బౌన్స్‌ బ్యాక్‌ అయ్యారు. అందుకే ఆ హై అలా ఉండగానే మరిన్ని సినిమాలు లైన్‌ పెట్టేందుకు రెడీ అవుతున్నారు.
సింగం ఎగైన్ మూవీలోనే సల్మాన్‌, అజయ్ కాంబోలో ఓ సినిమా ఉంటుందన్న హింట్ ఇచ్చారు. ఆ సినిమాకు మిషన్‌ చుల్‌బుల్‌ సింగం అనే టైటిల్‌ను కూడా ఫిక్స్ చేశారు. ఇప్పటికిప్పుడు కాకపోయినా త్వరలోనే దబాంగ్‌, సింగం యూనివర్స్‌లను కలుపుతూ ఓ బిగ్ ప్రాజెక్ట్ పట్టాలెక్కనుంది.
సింగం ఎగైన్ సక్సెస్ సెలబ్రేషన్స్‌లోనే గోల్‌మాల్‌ 5కి సంబంధించిన ఎనౌన్స్ మెంట్స్ కూడా ఇచ్చారు. రోహిత్ డైరెక్షన్‌లో తెరకెక్కబోయే నెక్ట్స్‌ మూవీ ఇదే అన్న టాక్ వినిపిస్తోంది. ఆల్రెడీ నాలుగు సూపర్ హిట్స్‌ వచ్చిన గోల్‌మాల్‌ సిరీస్‌లో ఫిఫ్త్ ఇన్‌స్టాల్మెంట్‌ను భారీగా ప్లాన్ చేస్తున్నారు.
తాజాగా దీపిక లీడ్ రోల్‌లో లేడీ సింగం సినిమాను ఎనౌన్స్ చేశారు రోహిత్ శెట్టి. సింగం ఎగైన్‌లో దీపికను గెస్ట్‌ రోల్‌లో చూపించిన దర్శకుడు, పూర్తిగా ఆమె క్యారెక్టర్ నేపథ్యంలోనే ఓ సినిమా చేసే ఆలోచనలో ఉన్నారు. ఇప్పటికే కొన్ని లైన్స్‌ కూడా రెడీ చేసిన రోహిత్ శెట్టి, త్వరలోనే కథను ఫైనల్ చేసే ఆలోచనలో ఉన్నారు.
