ఉదయం ఖాళీ కడుపుతో పచ్చి వెల్లుల్లి తినడం వల్ల అనేక ఆరోగ్య ప్రయోజనాలు ఉన్నాయి. పచ్చి వెల్లుల్లిలో అల్లిసిన్ అనే ఎంజైమ్ ఉంటుది. ఇది శోథ నిరోధక, యాంటీఆక్సిడేటివ్, యాంటీ బాక్టీరియల్, యాంటిక్యాన్సర్ లక్షణాలను కలిగి ఉంటుంది. పచ్చి వెల్లుల్లిని నమలడం వల్ల సల్ఫర్ కలిగిన సమ్మేళనాలను ప్రేరేపితం చేస్తుంది. ఇది అనేక ప్రయోజనాలకు కలిగిస్తుంది.
ఖాళీ కడుపుతో పచ్చి వెల్లుల్లి తినడం వల్ల రక్తపోటు నియంత్రణలో ఉండడంతో పాటూ, చెడు కొలస్ట్రాల్ దూరమవుతుంది. పచ్చి వెల్లుల్లి తినడం వల్ల పేగులు ఆరోగ్యంగా ఉంటాయి. అజీర్ణ సమస్యలను తొలగించడంలో పచ్చి వెల్లుల్లి బాగా పని చేస్తుంది.
వెల్లుల్లి మనలో రోగనిరోధక శక్తిని పెంపొందిస్తుంది. శరీరాన్ని నిర్విషీకరణ చేయడంలో కూడా సాయం చేస్తుంది. వెల్లుల్లిని క్రిమినాశక, యాంటీ బాక్టీరియల్, యాంటీ ఫంగల్ ఏజెంట్‌గా ఉపయోగిస్తారు. ఇది శరీరం నుండి వైరస్‌లను తొలగించడానికి సహాయపడుతుంది.
వెల్లుల్లి శోథ నిరోధకంగా పనిచేస్తుంది. మీ కీళ్ళు లేదా కండరాలలో నొప్పి, వాపు ఉంటే, ప్రతిరోజూ ఖాళీ కడుపుతో 2 వెల్లుల్లి రెబ్బలు తినండి. వెల్లుల్లి చాలా శక్తివంతమైనది, ఇది మధుమేహం, నిరాశ, కొన్ని రకాల క్యాన్సర్ వంటి వ్యాధులను నివారిస్తుంది.
వెల్లుల్లి ధమనులు, రక్తపోటుపై సానుకూల ప్రభావాన్ని చూపుతుంది. వెల్లుల్లిలోని సల్ఫర్ ఎర్ర రక్త కణాల ద్వారా హైడ్రోజన్ సల్ఫైడ్ వాయువుగా మారుతుంది. దీనివల్ల మన రక్త నాళాలు వ్యాకోచించి, రక్తపోటును నియంత్రించడం సులభం అవుతుంది. వెల్లుల్లిలోని యాంటీ బాక్టీరియల్ లక్షణాలు, యాంటీఆక్సిడెంట్లు మొటిమలకు కారణమయ్యే బ్యాక్టీరియాను చంపడం ద్వారా చర్మాన్ని శుభ్రపరుస్తాయి.
