దుబాయ్‌లో మంగళవారం జరిగిన ఛాంపియన్స్ ట్రోఫీ 2025 సెమీఫైనల్‌లో భారత కెప్టెన్ రోహిత్ శర్మ, స్టార్ బ్యాట్స్‌మన్ విరాట్ కోహ్లీ, స్పిన్నర్ కుల్దీప్ యాదవ్‌పై ఆగ్రహం వ్యక్తం చేశారు. ఆసీస్ ఇన్నింగ్స్‌లో 32వ ఓవర్‌లో స్టీవ్ స్మిత్ కుల్దీప్ బౌలింగ్‌లో మిడ్‌వికెట్‌ దిశగా షాట్ ఆడి సింగిల్ తీసేందుకు ప్రయత్నించాడు. విరాట్ కోహ్లీ బంతిని త్వరగా అందుకుని బౌలర్ వైపుకు గట్టిగా విసిరాడు. అయితే, కుల్దీప్ బంతి దిశగా కదలకుండా పక్కకు తప్పుకున్నాడు. ఈ సంఘటన రోహిత్‌కు అసహనాన్ని కలిగించింది. కవర్స్‌లో ఫీల్డింగ్ చేస్తున్న రోహిత్ బంతిని అందుకున్నప్పటికీ, కుల్దీప్ యాదవ్ ప్రయత్నం చేయకపోవడం చూసి అసహనానికి లోనయ్యాడు. దీంతో, విరాట్ కోహ్లీ, రోహిత్ శర్మ ఇద్దరూ కుల్‌దీప్‌పై ఆగ్రహంగా స్పందించారు. వారి రెచ్చగొట్టే రియాక్షన్ సోషల్ మీడియాలో వైరల్‌గా మారింది.
మ్యాచ్ విశేషాలు
ఆసీస్ కెప్టెన్ స్టీవ్ స్మిత్ టాస్ గెలిచి బ్యాటింగ్ ఎంచుకున్నాడు. ఛాంపియన్స్ ట్రోఫీలో ఇది తొలి సెమీఫైనల్ కాగా, విజేత ఫైనల్‌లో దక్షిణాఫ్రికా లేదా న్యూజిలాండ్‌ను ఢీ కొట్టనుంది. ఆస్ట్రేలియా జట్టులో రెండు మార్పులు చోటు చేసుకున్నాయి. బ్యాటింగ్ ఆల్‌రౌండర్ కూపర్ కానెల్లీ, లెగ్‌స్పిన్నర్ తన్వీర్ సంగ్హా జట్టులోకి వచ్చారు. తొడ గాయం కారణంగా మ్యాథ్యూ షార్ట్ టోర్నమెంట్ నుంచి వైదొలగడంతో అతని స్థానంలో కానెల్లీ ఆడుతున్నాడు.
ఆస్ట్రేలియా తమ తొలి మ్యాచ్‌లో ఇంగ్లాండ్‌పై గెలిచింది. అయితే, తర్వాతి రెండు మ్యాచ్‌లు వర్షం కారణంగా రద్దయ్యాయి. రోహిత్ శర్మ నేతృత్వంలోని భారత జట్టు తమ జట్టులో ఎలాంటి మార్పులు చేయలేదు. న్యూజిలాండ్‌పై విజయం సాధించిన జట్టునే కొనసాగించింది. టీమిండియా ఈ టోర్నీలో మూడు విజయాలు సాధించి అజేయంగా ముందుకు సాగుతోంది.
భారత జట్టు ఛాంపియన్స్ ట్రోఫీ ఆతిథ్య జట్టు అయిన పాకిస్తాన్‌లో ఆడేందుకు నిరాకరించడంతో, ఈ మ్యాచ్ దుబాయ్‌లో జరుగుతోంది. ఇండియా, ఆస్ట్రేలియా చివరిసారి 2023 నవంబరులో అహ్మదాబాద్‌లో జరిగిన వన్డే వరల్డ్ కప్ ఫైనల్‌లో తలపడగా, ఆ మ్యాచ్‌లో ఆస్ట్రేలియా విజయం సాధించింది. మరో సెమీఫైనల్ బుధవారం లాహోర్‌లో జరుగనుంది.
ఆస్ట్రేలియా (ప్లేయింగ్ XI): కూపర్ కొన్నోలీ, ట్రావిస్ హెడ్, స్టీవెన్ స్మిత్ (కెప్టెన్), మార్నస్ లాబుస్చాగ్నే, జోష్ ఇంగ్లిస్ (కీపర్), అలెక్స్ కారీ, గ్లెన్ మాక్స్వెల్, బెన్ డ్వార్షుయిస్, నాథన్ ఎల్లిస్, ఆడమ్ జంపా, తన్వీర్ సంఘ.
భారత్ (ప్లేయింగ్ XI): రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లి, శ్రేయాస్ అయ్యర్, అక్షర్ పటేల్, కేఎల్ రాహుల్(కీపర్), హార్దిక్ పాండ్యా, రవీంద్ర జడేజా, మహ్మద్ షమీ, కుల్దీప్ యాదవ్, వరుణ్ చక్రవర్తి.
— The European Lad (@TheEuropeanDadd) March 4, 2025
మరిన్ని క్రీడా వార్తల కోసం ఇక్కడ క్లిక్ చేయండి.
