Video: మాస్టర్ బ్లాస్టర్ స్టైల్‌లో అప్పర్ కట్ కొట్టిన మిస్టర్ సైలెన్సర్! రెండు కళ్లు చాలవంతే..

రాజీవ్ గాంధీ ఇంటర్నేషనల్ స్టేడియంలో జరిగిన సన్‌రైజర్స్ హైదరాబాద్ (SRH), లక్నో సూపర్ జెయింట్స్ (LSG) మధ్య IPL 2025 మ్యాచ్ లో SRH తమ బ్యాటింగ్‌తో కొంత ఇబ్బంది పడ్డా, కెప్టెన్ పాట్ కమిన్స్ అద్భుతమైన షాట్లు ఆడుతూ అభిమానులను ఆకట్టుకున్నాడు. SRH బ్యాటింగ్ చేసే సమయంలో 250+ స్కోర్ చేయడం అలవాటుగా మారినప్పటికీ, ఈ మ్యాచ్‌లో వారు కేవలం 190 పరుగులకే పరిమితమయ్యారు. దీని ప్రధాన కారణం లక్నో బౌలర్ శార్దూల్ ఠాకూర్.

SRH భారీ స్కోర్ చేయడానికి ప్రయత్నిస్తుండగా, శార్దూల్ ఠాకూర్ ఒకే ఓవర్లో రెండు కీలక వికెట్లు తీసి SRHకి పెద్ద దెబ్బ కొట్టాడు. SRH స్టార్ ప్లేయర్లు ఒక మంచి భాగస్వామ్యం నెలకొల్పినా, తమ మొదటి స్టార్ట్‌ను భారీ స్కోర్‌లుగా మలచలేకపోయారు. ట్రావిస్ హెడ్, నితీష్ రెడ్డి మధ్య మిడ్‌ల్లో భాగస్వామ్యం కుదిరినా, LSG బౌలర్లు విరుచుకుపడటంతో, SRH స్కోరు భారీగా పెరగలేదు.

SRH 16వ ఓవర్ నాటికి ఆరు వికెట్లు కోల్పోయి కష్టాల్లో పడింది. ఈ సమయంలో కెప్టెన్ పాట్ కమిన్స్ క్రీజులోకి వచ్చి ఇన్నింగ్స్‌ను మలుపు తిప్పాడు. తన బ్యాటింగ్ స్టైల్‌కు అనుగుణంగా, ఆరంభంలోనే దూకుడుగా ఆడి వరుసగా మూడు సిక్సర్లు బాదాడు.

అయితే, ఆ షాట్లలో ఒకటి అసాధారణమైనది, అభిమానులను ఆశ్చర్యానికి గురి చేసింది. కమిన్స్ అప్పర్-కట్ షాట్ కొట్టిన తీరు, లెజెండరీ బ్యాట్స్‌మన్ సచిన్ టెండూల్కర్ 2003 ప్రపంచ కప్‌లో షోయబ్ అక్తర్‌పై కొట్టిన అప్పర్-కట్‌ను గుర్తు చేసింది.

సచిన్ టెండూల్కర్ అప్పర్-కట్ షాట్ క్రికెట్ చరిత్రలో అత్యంత ప్రసిద్ధమైన షాట్లలో ఒకటి. 2003 ప్రపంచ కప్‌లో భారత్ vs పాకిస్తాన్ మ్యాచ్‌లో, షోయబ్ అక్తర్ వేగంగా వేసిన షార్ట్ బాల్‌ను టెండూల్కర్ అప్పర్-కట్ షాట్‌తో బౌండరీకి తరలించాడు. అదే తరహా షాట్‌ను కమిన్స్ కూడా శార్దూల్ ఠాకూర్ బౌలింగ్‌లో మళ్లీ సృష్టించాడు.

కమిన్స్ ఈ షాట్‌తో అభిమానులను ఉర్రూతలూగించాడు. అభిమానులు సోషల్ మీడియాలో “కమిన్స్ = మాస్టర్ బ్లాస్టర్?” అని ప్రశ్నిస్తూ, టెండూల్కర్ షాట్‌తో పోల్చుతూ రియాక్షన్లు ఇస్తున్నారు. ఈ షాట్‌తో కమిన్స్ SRH స్కోరును గౌరవనీయ స్థాయికి తీసుకెళ్లడంలో కీలక పాత్ర పోషించాడు.

ఇక నిన్న జరిగిన మ్యాచ్ అభిమానులకు అద్భుతమైన క్రికెట్ అనుభూతిని అందించింది. ఈ ఉత్కంఠ భరిత మ్యాచ్‌లో LSG SRHపై ఐదు వికెట్ల తేడాతో ఘన విజయం సాధించింది. మొదట బ్యాటింగ్ చేసిన SRH 190 పరుగుల లక్ష్యం నిర్దేశించగా, LSG 16.1 ఓవర్లలోనే లక్ష్యాన్ని ఛేదించి టోర్నమెంట్‌లో తమ తొలి గెలుపును నమోదు చేసింది.

pic.twitter.com/McQngyTzNR

— Abhinav Tyagi (@tAbhinav_5) March 27, 2025

మరిన్ని క్రీడా వార్తల కోసం ఇక్కడ క్లిక్ చేయండి..